Governu Japaun selebra Inaugurasaun Postu Saúde iha Suku Balibar, Postu Administrativu Cristo-Rei, Munisipiu Dili.
2023/2/3
Dotór no profisionál mediku sira ne'ebé serbisu iha postu saúde foun
Labarik sira iha suku Balibar ho Embaixador
Embaixador, Ministru Saude Interinu, no Presidente Munisípio Dili sira observa postu saúde foun
Embaixador asina iha plaka
Iha loron 3 fulan Fevereiru tinan 2023, Sr. Tetsuya KIMURA, Embaixador Japaun nian ba Timor-Leste, S.E. Sr. Bonifacio Maucoli dos Reis, Ministru Saude Interinu no Sra. Guilhermina Filomena Saldanha Ribeiro, Presidente Munisípio Dili selebra konkluzaun postu saúde ida iha Suku Balibar, Postu Administrativu Cristo-Rei, Munisipiu Dili. Serimónia refere hetan partisipasaun husi reprezentantes Ministériu Saúde no Munisipiu Dili nian, no konvidadus sira seluk.
Ida ne'e hanesan postu saúde ba dala sanulu-resin-haat ne'ebé harii ho suporta fundu husi Governu Japaun liu husi eskema ida ho naran programa Fundu Asistensia Seguransa Umana ba komunidade sira iha nível baze (GGP). Postu saúde foun ne'e inklui sala konsultasaun, sala de partu, laboratóriu, hariis-fatin no farmásia ne’ebé sei fornese asesu di'ak liu ba atendimentu saúde ba ema hamutuk na'in 1,673 (rihun ida, atus neen hitunulu resin tolu) iha suku Balibar no sei ajuda komunidade sira hala’o moris ne’ebé saudavel liu. Governu Japaun fornese asistensia fundu ho montante $92,592 (rihun sia-nulu resin rua, atus lima sia-nulu resin rua) ba HADEZTA, ONG lokál ida ne’ebé mak implementa projetu nee.
Ida ne'e hanesan postu saúde ba dala sanulu-resin-haat ne'ebé harii ho suporta fundu husi Governu Japaun liu husi eskema ida ho naran programa Fundu Asistensia Seguransa Umana ba komunidade sira iha nível baze (GGP). Postu saúde foun ne'e inklui sala konsultasaun, sala de partu, laboratóriu, hariis-fatin no farmásia ne’ebé sei fornese asesu di'ak liu ba atendimentu saúde ba ema hamutuk na'in 1,673 (rihun ida, atus neen hitunulu resin tolu) iha suku Balibar no sei ajuda komunidade sira hala’o moris ne’ebé saudavel liu. Governu Japaun fornese asistensia fundu ho montante $92,592 (rihun sia-nulu resin rua, atus lima sia-nulu resin rua) ba HADEZTA, ONG lokál ida ne’ebé mak implementa projetu nee.
Postu saude foun
Embaixador KIMURA hateten, “Importante ba Governu Japaun katak ema hotu iha mundu tomak bele hala'o moris ne'ebé seguru no protejidu. Asesu ba atendimentu saúde báziku nu'udar elementu ida-ne'ebé importante tebes ba objetivu ida ne’e. Tanba ne'e mak Japaun fornese ona fundu hodi konstrui fasilidade saúde hamutuk 16 (sanulu resin neen) iha Timor-Leste liu husi programa GGP ka Projetu Grant Grassroots. Projetu hamutuk 14 (sanulu resin haat) mak kompleta tiha ona. Postu Saude ida ne'e entre projetu 14 (sanulu resin haat) ne'ebé mak finaliza ona ho susesu.”
Desde lansamentu projetu dahuluk iha tinan 2000, projetu hamutuk 132 (atus ida tolu nulu resin rua) mak implementa ona liu husi eskema GGP iha Munisipiu 14 (sanulu resin haat) iha teritoriu Timor-Leste tomak. Projetu sira ne'e liu-liu fornese asisténsia ba infraestrutura komunitária sira inklui konstrusaun no reabilitasaun ba fasilidades eskola, postu saude sira no sistema abastesimentu bee moos hodi responde ba komunidade sira nia nesesidade báziku oioin iha nivel baze.