Governu Japaun Selebra Inaugurasaun Dormitóriu ba Estudante Feto sira iha Suku Costa, Postu Administrativu Pante-Macassar, Região Administrativa Especial Oecusse-Ambeno
2022/9/21
Dormitóriu ba estudante feto sira
Foto grupo
Tesi fita
Iha loron 21 fulan Setembru tinan 2022, Masami KINEFUCHI, Embaixadór Japaun ba Timor-Leste partisipa iha serimónia inaugurasaun dormitóriu foun ida ba estudante feto sira iha Suku Costa, Postu Administrativu Pante-Macassar, Região Administrativa Especial Oecusse-Ambeno. Serimónia ne’e organiza hosi kongregasaun Madre Carmelita nudar implementador projetu ne’e. Ofisiais governu lokál husi autoridade relevante sira, partes interesadas no estudante sira ne’ebé mak sei utililiza dormitóriu ne’e partisipa iha serimónia refere.
Embaixadór KINEFUCHI hato’o parabéns ba partisipante sira hotu hosi projetu dormitóriu foun ne’e no hato’o mos ninia agradesimentu ba Madre Carmelita sira ba susesu servisu konstrusaun ne’e hodi hateten, “Maske Projetu ne’e ki’ik kompara ho projetu asisténsia Japonés sira seluk, hanesan terminal ferry Oecusse nian, maibé sertamente nudar pasu importante ida atu hadi’ak ambiente edukasaun iha rejiaun ne’e. Há’u fiar katak akumulasaun husi esforsu ki’ik sira ne’e sei lori kondisaun di’ak liu ba edukasaun jerasaun foinsa’e sira nian”.
Ba projetu ida ne’e, Governu Japaun fornese $90,895 dolares Amerikanu liu husi eskema Fundu Asisténsia Seguransa Umana ba komunidade sira iha nivel baze (GGP).
Agradese ba konstrusaun dormitóriu ne’e, tanba hahú tinan oin, estudante na’in 30 resin la presiza ona atu la’o dook bá eskola maibé bele hela iha dormitóriu ne’e hodi kontinua sira nia estudu iha eskola viziñu 5 (lima) besik dormitóriu refere.
GGP nu’udar eskema fundu ki’ik ne’ebé lansa ona iha tinan 2000 no hahú husi tempu ne’ebá, projetu hamutuk 132 mak implementa ona iha munisípiu 13 liu hosi eskema ida ne’e. Projetu GGP ne’e ho objetivu atu hadi’ak infraestrutura komunitária inklui konstrusaun no reabilitasaun fasilidade eskola sira, postu saude no abastesimentu sistema bee-moos hodi responde ba nesesidade báziku oioin komunidade sira nian iha nivel baze.
Embaixadór KINEFUCHI hato’o parabéns ba partisipante sira hotu hosi projetu dormitóriu foun ne’e no hato’o mos ninia agradesimentu ba Madre Carmelita sira ba susesu servisu konstrusaun ne’e hodi hateten, “Maske Projetu ne’e ki’ik kompara ho projetu asisténsia Japonés sira seluk, hanesan terminal ferry Oecusse nian, maibé sertamente nudar pasu importante ida atu hadi’ak ambiente edukasaun iha rejiaun ne’e. Há’u fiar katak akumulasaun husi esforsu ki’ik sira ne’e sei lori kondisaun di’ak liu ba edukasaun jerasaun foinsa’e sira nian”.
Ba projetu ida ne’e, Governu Japaun fornese $90,895 dolares Amerikanu liu husi eskema Fundu Asisténsia Seguransa Umana ba komunidade sira iha nivel baze (GGP).
Agradese ba konstrusaun dormitóriu ne’e, tanba hahú tinan oin, estudante na’in 30 resin la presiza ona atu la’o dook bá eskola maibé bele hela iha dormitóriu ne’e hodi kontinua sira nia estudu iha eskola viziñu 5 (lima) besik dormitóriu refere.
GGP nu’udar eskema fundu ki’ik ne’ebé lansa ona iha tinan 2000 no hahú husi tempu ne’ebá, projetu hamutuk 132 mak implementa ona iha munisípiu 13 liu hosi eskema ida ne’e. Projetu GGP ne’e ho objetivu atu hadi’ak infraestrutura komunitária inklui konstrusaun no reabilitasaun fasilidade eskola sira, postu saude no abastesimentu sistema bee-moos hodi responde ba nesesidade báziku oioin komunidade sira nian iha nivel baze.