Governu Japaun no ONG JDRAC Asina Ona Kontratu Subvensaun Tinan Ikus nian ba Projetu “Treinamentu Mekanikus no Operadores ba Veíkulus Pezadus no Mákinas Konstrusaun iha Timor-Leste”
2022/8/24
Especialista sira no estajiarius sira
Trainamentu eletroniku sirkuit
Treinamentu pratika ho especialista
Iha loron 24 fulan Agostu tinan 2022, Governu Japaun no ONG Japonês, Japan Demining and Reconstruction Assistance Center (JDRAC), asina ona kontratu subvensaun ba projetu “Treinamentu Mekanikus no Operadores ba Veíkulus Pezadus no Makinas Konstrusaun iha Timor-Leste”. Projetu ne’e implementa ona desde tinan 2020, no tinan ida ne’e mak tinan ikus nian ba projetu refere. Kontratu ne’e asina ona entre Sr. Masami KINEFUCHI, Embaixador Japaun nian ba Timor-Leste, no Sra. Yuu YOSHIMORI, Chefe Reprezentante JDRAC nian. Ho fundu adisionál ida ne’e, Governu Japaun fornese ona total $929, 847 dolares Amerikanu ba projetu ho durasaun tinan tolu ne’e ne’ebé mak sei implementa hosi JDRAC.
Objetivu hosi projetu ne’e atu aumenta abilidades mekanika no operasionál ba veíkulus mákinas pezadas sira, no desde projetu ne’e hahú iha tinan 2020, JDRAC ninia espesialista Japonês na’in rua treina ona estajiárius hamutuk na’in 19 hosi Instituto de Gestão de Equipamentos: IGE-IP, Ministériu Obras Públikas nian, no profesóres UNTL na’in 5 husi Fakuldade Enjeñeria. Ba tinan daikus husi projetu ne’e, treinamentu sei fornese ba ema na’in 20. Teknikas manutensaun nian, no abilidade jestaun peças, ne’ebé mak sira aprende ona sei pasa ba empregadus serka na’in 100 hosi IGE-IP nian liuhosi sira-nia servisu diáriu, no sei reflete iha sira-nia atinjimentus.
Objetivu hosi projetu ne’e atu aumenta abilidades mekanika no operasionál ba veíkulus mákinas pezadas sira, no desde projetu ne’e hahú iha tinan 2020, JDRAC ninia espesialista Japonês na’in rua treina ona estajiárius hamutuk na’in 19 hosi Instituto de Gestão de Equipamentos: IGE-IP, Ministériu Obras Públikas nian, no profesóres UNTL na’in 5 husi Fakuldade Enjeñeria. Ba tinan daikus husi projetu ne’e, treinamentu sei fornese ba ema na’in 20. Teknikas manutensaun nian, no abilidade jestaun peças, ne’ebé mak sira aprende ona sei pasa ba empregadus serka na’in 100 hosi IGE-IP nian liuhosi sira-nia servisu diáriu, no sei reflete iha sira-nia atinjimentus.
Especialista sira no estajiarius sira ho kareta fornese husi JGSDF
Iha tinan 2002, Unidade Enjiñeria Forsa Auto-defesa Terrestre Japaun nian (JGSDF) enviadu mai nasaun ne’e iha ámbitu Operasoens Manutensaun da Paz Nasoens Unidas (UN PKO) nian atu apoia operasoins reabilitasaun iha Timor-Leste. Governu Timor-Leste simu ona husi JGSDF materiais ho numéru liu 1000 mak hanesan ekipamentus, veíkulus pezadus, no uma pre-fabrikadas depois de JGSDF ninia misaun remata iha Timor-Leste. Desde tinan 2004, JDRAC treina ona mekánikus Timoroan sira no servisu hamutuk ona ho Departamentu Manutensaun, Ministériu Obras Públikas atu fornese servisu manutensaun ba ekipamentus doasaun hirak ne’e.
IGE-IP mak instituisaun governu nian responsável ba prevensaun, mitigasaun no reabilitasaun ba infraestruturas sira ne’ebé hetan estragus hosi dezastres naturais hanesan inundasaun istóriku ne’ebé akontese iha Dili iha fulan Abril, 2021. Atualmente, IGE-IP iha veíkulus ho numéru serka 180, no veíkulus 50 husi numéru hirak ne’e simu hosi JGSDF iha tinan 2004. Treinamentus sira ne’ebé fornese ona no sei fornese hosi JDRAC sei kontribui ba kapasitasaun IGE-IP nian ba instituisaun ne’e ninia servisu efikas no efisiente liu tan iha futuru.
IGE-IP mak instituisaun governu nian responsável ba prevensaun, mitigasaun no reabilitasaun ba infraestruturas sira ne’ebé hetan estragus hosi dezastres naturais hanesan inundasaun istóriku ne’ebé akontese iha Dili iha fulan Abril, 2021. Atualmente, IGE-IP iha veíkulus ho numéru serka 180, no veíkulus 50 husi numéru hirak ne’e simu hosi JGSDF iha tinan 2004. Treinamentus sira ne’ebé fornese ona no sei fornese hosi JDRAC sei kontribui ba kapasitasaun IGE-IP nian ba instituisaun ne’e ninia servisu efikas no efisiente liu tan iha futuru.