Serimónia Asinatura ba 4◦ Lote husi Projetu Human Resources Development Scholarship (JDS)
2021/12/1
(husi karuk)Sr. Goto, Embaixador Kinefuchi, S. E. Sr. Julião da Silva
Durante Asinatura
Durante tinan 20 resin, Japaun apoiu ona Timor-Leste nia harií nasaun iha aspeitus oi-oin hanesan desenvolvimentu infraestrutura, diversifikasaun industria no expansaun ba servisu sosiais sira. Desenvolvimentu rekursu humanu mak área asistensia ida ne’ebe importante tebes ba Japaun, tamba rekursu humanu mak fundasaun ba desenvolvimentu no prosperidade nasaun ida nian. To’o momentu ida ne’e, ema nain 2,000 resin mak konvidadu ona hodi partisipa iha kursu akadémiku no treinamentu iha Japaun, no husi sira ne’e hotu, ema nain 117 mak hala’o ona estudu iha universidade Japones sira hodi hetan sira nia títulus akadémiku ida-idak.
Iha loron 1 fulan Dezembru, 2021, serimónia asinatura ida ba Projetu Human Resources Development Scholarship (JDS) ne’ebe finansia husi Governu Japaun hala’o ona iha Ministériu Negosius Estranjeirus no Koperasaun. Embaixador Japaun nian ba Timor-Leste, Sr. Masami KINEFUCHI, no Vise Ministru no Ministru Interinu Negosius Estranjeirus no Koperasaun, S. E. Sr. Julião da Silva, asina ona Troka Notas (T/N) ba projetu refere. Asina mos Akordu Doasaun (A/D) ida ba JDS entre S. E. Sr. Julião da Silva no Sr. Ko GOTO, Reprezentante Chefe husi Agensia Koperasaun Internasional Japaun (JICA) iha Timor-Leste.
Iha loron 1 fulan Dezembru, 2021, serimónia asinatura ida ba Projetu Human Resources Development Scholarship (JDS) ne’ebe finansia husi Governu Japaun hala’o ona iha Ministériu Negosius Estranjeirus no Koperasaun. Embaixador Japaun nian ba Timor-Leste, Sr. Masami KINEFUCHI, no Vise Ministru no Ministru Interinu Negosius Estranjeirus no Koperasaun, S. E. Sr. Julião da Silva, asina ona Troka Notas (T/N) ba projetu refere. Asina mos Akordu Doasaun (A/D) ida ba JDS entre S. E. Sr. Julião da Silva no Sr. Ko GOTO, Reprezentante Chefe husi Agensia Koperasaun Internasional Japaun (JICA) iha Timor-Leste.
Embaixador Kinefuchi Diskursu
Embaixador KINEFUCHI hateten katak, “Desenvolvimentu Rekursu Humanu mak xave ba harií nasaun nian. Japaun oferese programa bolsa estudu barak ba povu Timor-Leste no ema nain 2000 resin mak ba estuda ona iha Japaun, balu kurtu-prazu, balu longu-prazu. Programa JDS ne’ebe mak foin kria ne’e sei fo oportunidade ba ofisiais foinsa’e sira hodi prepara sira sai lideransa inestimáveis ba futuru nasaun ida ne’e nian.”
Objetivu husi projetu JDS ne’e mak atu suporta desenvolvimentu rekursu humanu foka liu ba funsionarius foinsa’e sira hodi sai lideransa iha futuru, no atu hametin parseria entre Japaun no Timor-Leste. Desde projetu JDS ne’e komesa iha tinan 2018 iha Timor-Leste, funsionarius nain 23 mak hala’o ona estudu no hala’o dadaun estudu iha Japaun. Husi sira ne’e hotu, nain 6 mak kompleta ona sira nia estudu iha nivel mestradu. Liu husi Notas ne’ebe mak asina ona ohin loron, funsionarius nain 8 seluk sei selesionadu hodi ba hala’o sira nia estudu komesa tinan oin iha área administrasaun públiku, sistema legal, saúde, edukasaun, turismu, transporte, no desenvolvimentu ambiental.
Objetivu husi projetu JDS ne’e mak atu suporta desenvolvimentu rekursu humanu foka liu ba funsionarius foinsa’e sira hodi sai lideransa iha futuru, no atu hametin parseria entre Japaun no Timor-Leste. Desde projetu JDS ne’e komesa iha tinan 2018 iha Timor-Leste, funsionarius nain 23 mak hala’o ona estudu no hala’o dadaun estudu iha Japaun. Husi sira ne’e hotu, nain 6 mak kompleta ona sira nia estudu iha nivel mestradu. Liu husi Notas ne’ebe mak asina ona ohin loron, funsionarius nain 8 seluk sei selesionadu hodi ba hala’o sira nia estudu komesa tinan oin iha área administrasaun públiku, sistema legal, saúde, edukasaun, turismu, transporte, no desenvolvimentu ambiental.