Embaixador Tetsuya KIMURA Partisipa iha Serimónia Finalizasaun Rejistu Moris Movel iha Suco Suni Ufe, Sub-Rejiaun Nitibe, Oecusse-Ambeno (RAEOA)
2022/12/19
Embaixador Kimura no inan ne'ebe rejista nia oan
Embaixador entrega sertidaun moris nian
Resepsaun tradisional
Iha loron 19 fulan Dezembru, 2022, Señor Tetsuya KIMURA, Embaixador Japaun ba Timor-Leste, partisipa iha serimónia finalizasaun rejistu moris movel iha Suco Suni Ufe, Sub-Rejiaun Nitibe, Oecusse-Ambeno (RAEOA). Serimónia ne’e organiza hamutuk husi UNICEF, Child Fund no Konservatória Rejistu Sivil no Notariadu RAEOA nian. Señora Leonia da Costa Monteiro, Secretária Regional Adjunto Presidente Autoridade para os Assuntos do Fortalecimento Institucional, Señor Antonio Hermenegildo da Costa, Secretário Regional Para os Assuntos de Terras e Propriedades, Señora Ainhoa Jaureguibeitia, Vise Reprezentante UNICEF, no Señor João Borges, Diretór Nasionál Rejistu Sivil no Notariadu, Ministeriu Justiça, líder lokal, membru komunidade, labarik sira no ema ida ho defisiensia hamutuk ho Embaixador Kimura iha serimónia ne’e.
Embaixador Kimura iha ninia diskursu realsa importansia hosi rejistu moris ba labarik sira: “Atu jovens sira ne’e rejista iha eskola, sira tenki ser rejista uluk momentu sira moris mai. Antes ida ne’e mós, atu hetan isin saudavel no reziliente hodi ba eskola, sira presiza atu simu vasinas ne’ebé nesesariu, ne’ebé mós presiza rejistu bainhira moris mai. Ne’e duni, rejistu moris mak direitus umanus fundamental no konsagra ona iha Artigu hitu (7) hosi Konvensaun Nasoins Unidas kona-bá Direitu Labarik”.
Projetu rejistu moris implementa husi fulan Setembru 2020 to’o fulan Dezembru 2022 iha Munisípiu sira hanesan Lautem, Manatuto, Ermera, Manufahi, Covalima, Bobonaro, no RAEOA. Ekipa rejistu moris móvel nian vizita suku 114 no aldeia 490 iha munisípiu hitu (7) refere no rejista ona labarik hamutuk na’in 37,511. Objetivu husi projetu ne’e mak atu garante rejistu no emisaun sertidaun moris ba labarik sira foin moris ho tinan entre 0 no 5 iha area rural, inklui labarik sira ne’ebé moris ho kondisaun defisiênsia ne’ebé hetan difikuldade hodi asesu kartóriu iha munisípiu vila.
Ba projetu ne’e, Governu Japaun fornese totál orsamentu milaun US$2.5 ba Governu Timor-Leste, jere husi UNICEF. Child Fund no Ministériu Justiça Timor-Leste mak implementa projetu ne’e.
Embaixador Kimura iha ninia diskursu realsa importansia hosi rejistu moris ba labarik sira: “Atu jovens sira ne’e rejista iha eskola, sira tenki ser rejista uluk momentu sira moris mai. Antes ida ne’e mós, atu hetan isin saudavel no reziliente hodi ba eskola, sira presiza atu simu vasinas ne’ebé nesesariu, ne’ebé mós presiza rejistu bainhira moris mai. Ne’e duni, rejistu moris mak direitus umanus fundamental no konsagra ona iha Artigu hitu (7) hosi Konvensaun Nasoins Unidas kona-bá Direitu Labarik”.
Projetu rejistu moris implementa husi fulan Setembru 2020 to’o fulan Dezembru 2022 iha Munisípiu sira hanesan Lautem, Manatuto, Ermera, Manufahi, Covalima, Bobonaro, no RAEOA. Ekipa rejistu moris móvel nian vizita suku 114 no aldeia 490 iha munisípiu hitu (7) refere no rejista ona labarik hamutuk na’in 37,511. Objetivu husi projetu ne’e mak atu garante rejistu no emisaun sertidaun moris ba labarik sira foin moris ho tinan entre 0 no 5 iha area rural, inklui labarik sira ne’ebé moris ho kondisaun defisiênsia ne’ebé hetan difikuldade hodi asesu kartóriu iha munisípiu vila.
Ba projetu ne’e, Governu Japaun fornese totál orsamentu milaun US$2.5 ba Governu Timor-Leste, jere husi UNICEF. Child Fund no Ministériu Justiça Timor-Leste mak implementa projetu ne’e.