Governu Japaun no ONG SHARE entrega roo ida ba Ministériu Saúde hodi hadi’ak asessu servisu kuidadu saúde iha Munisípiu Atauro
2022/4/25
Foto Hamutuk
Asinatura entre Ministra Saude no Reprezentante National husi ONG SHARE
Staff sira ne'ebe sei opera no halo manutensaun ba ro'o
Iha 25 Abril, 2022, asina ona akordu ida entre S. E. Dra. Odete Maria Freitas Belo, Ministra Saúde, no Sr. Shutaro SUNAI, Reprezentante Nasional husi ONG Japones SHARE hodi entrega roo ida ne’ebe sei ajuda klinika móvel no atividades servisu kuidadu saúde sira seluk iha Minisípiu Atauro. Asinatura ne’e testemunhada husi Sr. Masami KINEFUCHI, Embaixador Japaun nian ba Timor-Leste.
Governu Japaun fornese asistensia finanseiru serka de milhaun 1.5 dólares amerikanu ba ONG SHARE hodi hala’o projetu ho durasaun tinan tolu, “Projeitu ba haforsa oferese servisu Kuidadu Saude Primaria liu husi partisipasaun komunidade”, lansa ona iha 2019, foka liu ba área remotas sira iha Metinaro no Atauro, iha ne’ebe ema sira iha neba hetan asessu limitadu tebes ba servisu saúde. Desafius ida iha Munisípiu Atauro mak parte balun husi Munisípiu refere só bele asessu deit husi tasi ibun. Ho nune’e, nu’udar parte ida husi projetu ne’e, roo ida ho valor US$52,663.84 entrega ona ohin loron hodi hadi’ak situasaun husi ema rihun 12 iha Munisípiu Atauro.
Governu Japaun no ONG SHARE introdus roo iha Atauro no komesa apoiu prestasaun servisu saúde uza roo iha tinan 2020. Desde ida ne’e, transportasaun vascinas ba sentru saúde sira hotu sai fasil liu tan no taxa vascinasaun infantil ne’ebe konten BCG, 5-vascinasaun kombinada, no vascinasaun kontra sarampu iha Atauro aumenta husi 46% ba 77%. Aleinde ne’e, povu hirak ne’ebe mak hela iha área tasi ibun Atauro, ne’ebe mak antes ne’e laiha asessu ba klínika movel, agora simu dadaun exame saúde mensal.
Governu Japaun fornese asistensia finanseiru serka de milhaun 1.5 dólares amerikanu ba ONG SHARE hodi hala’o projetu ho durasaun tinan tolu, “Projeitu ba haforsa oferese servisu Kuidadu Saude Primaria liu husi partisipasaun komunidade”, lansa ona iha 2019, foka liu ba área remotas sira iha Metinaro no Atauro, iha ne’ebe ema sira iha neba hetan asessu limitadu tebes ba servisu saúde. Desafius ida iha Munisípiu Atauro mak parte balun husi Munisípiu refere só bele asessu deit husi tasi ibun. Ho nune’e, nu’udar parte ida husi projetu ne’e, roo ida ho valor US$52,663.84 entrega ona ohin loron hodi hadi’ak situasaun husi ema rihun 12 iha Munisípiu Atauro.
Governu Japaun no ONG SHARE introdus roo iha Atauro no komesa apoiu prestasaun servisu saúde uza roo iha tinan 2020. Desde ida ne’e, transportasaun vascinas ba sentru saúde sira hotu sai fasil liu tan no taxa vascinasaun infantil ne’ebe konten BCG, 5-vascinasaun kombinada, no vascinasaun kontra sarampu iha Atauro aumenta husi 46% ba 77%. Aleinde ne’e, povu hirak ne’ebe mak hela iha área tasi ibun Atauro, ne’ebe mak antes ne’e laiha asessu ba klínika movel, agora simu dadaun exame saúde mensal.
Embaixador hato'o diskursu
Projetu ida ne’e oferese mos apoiu ba Ministériu Saúde ba utilizasaun sustentável no eficaz husi roo refere. Treinamentu kona ba manutensaun diária ba roo hala’o ona dala lubun husi peritus Japones no Timor Oan sira no manual manutensaun ida ne’ebe kria ona husi ekipa projetu sei entrega durante periodu projetu.
Embaixador KINEFUCHI rekonhese esforsu hirak ne’ebe mak halo ona husi parte envolvida iha projetu ne’e no assegura katak roo ne’e sei kontribui ba hamenus difikuldades relasiona ho kuidadu saúde iha Atauro, no hateten, “Há’u espera ho laran tomak katak roo ne’e sei uza ho kuidadu no manutensaun di’ak ba tempu naruk tuir matadalan sira, lori benefisiu ba komunidade sira iha Atauro liu-liu labarik ne’ebe mak sira nia vascinasaun básiku importante tebes ba moris saudável.” Embaixador mos hato’o parabéns ba aniversáriu restaurasaun independensia Timor-Leste nian ba dala 20, no estabelesimentu relasaun diplomátiku entre Japaun no Timor-Leste no remata ninia deskursu hodi hateten, “Nu’udar Embaixador Japaun nian, ha’u reitera hikas ami nia kompromisu hodi haburas liu tan ita nia relasaun amigável ida ne’e no ba ami nia apoiu kontínua ba harií nasaun Timor-Leste nian no moris di’ak povu rai ida ne’e nian.”
Embaixador KINEFUCHI rekonhese esforsu hirak ne’ebe mak halo ona husi parte envolvida iha projetu ne’e no assegura katak roo ne’e sei kontribui ba hamenus difikuldades relasiona ho kuidadu saúde iha Atauro, no hateten, “Há’u espera ho laran tomak katak roo ne’e sei uza ho kuidadu no manutensaun di’ak ba tempu naruk tuir matadalan sira, lori benefisiu ba komunidade sira iha Atauro liu-liu labarik ne’ebe mak sira nia vascinasaun básiku importante tebes ba moris saudável.” Embaixador mos hato’o parabéns ba aniversáriu restaurasaun independensia Timor-Leste nian ba dala 20, no estabelesimentu relasaun diplomátiku entre Japaun no Timor-Leste no remata ninia deskursu hodi hateten, “Nu’udar Embaixador Japaun nian, ha’u reitera hikas ami nia kompromisu hodi haburas liu tan ita nia relasaun amigável ida ne’e no ba ami nia apoiu kontínua ba harií nasaun Timor-Leste nian no moris di’ak povu rai ida ne’e nian.”