Hau nia Moris Formandu iha Japaun
2023/6/7
Ha'u nia naran Agostinho Gusmão Amaral husi Munisipiu Covalima, tinan 26. Desde Fevereiru 2023, ha'u tuir dadaun formasaun iha Oisca Nishi Nippon Training Center iha Fukuoka Japaun. Ha'u haksolok tebes bele hetan oportunidade ida ne'e hodi reprezenta Timor-Leste no tuir formasaun agrikultor durante tinan ida iha Japaun hamutuk ho kolega nain 8 seluk husi Ásia-Pasífiku.
Hau aprende buat barak iha Japaun liu liu kona-ba agrikultor ida ne'ebé modernu. Japaun hanesan nasaun ida ne'ebé dezenvolvidu no ninia setor agrikultor diferente tebes ho nasaun Timor-Leste. Liu husi oportunidade ida ne'e ha'u esforsu an atu aprende durante tinan ida iha Japaun hodi nune'e bele kontribui fila fali ba nasaun Timor-Leste liu liu iha seitor agrikultura.
Liu husi oportunidade ida ne'e mós hau konvida ita hotu liu-liu ba maluk joven foin-sa'e sira mai ita hotu esforsu an no nafatin atu aprende hodi nune'e bele dezenvolve ita nia rai doben Timor-leste. Liu husi ita hotu nia kontribuisaun mak bele fó apoiu ba dezenvolvimentu nasaun Timor-Leste.