Loron Filme Japaun
2022/12/19
Nudar parte ida husi selebrasaun ba Vigesimu Aniversáriu husi Relasoens Diplomátikus entre Japaun no Timor-Leste, Embaixada Japaun hatudu filme Japones neen komesa husi fulan Julhu to Dezembru. Filme hirak ne’e hatudu iha Sentru Inisiativa Desenvolvimentu Komunidade (CDIC), Sala Leitura Xanana Gusmão, Fundação Oriente, Kampus UNTL Hera nune’e mos iha Embaixada.
Filme neen ne’ebé hatudu mak “Samurai Cat”, “Show me the way to the station”, “Stop-motion Animation Films by Takeshi Yashiro”, “Restaurant from the Sky”, “Lu over the Wall” no “Only the Cat Knows” ne’ebe apoiu husi Fundasaun Japaun. Ema nain 450 resin mak mai asisti filme hirak ne’e no sente uitoan kultura Japones nune’e mos moris iha Japaun.