Resepsaun hodi Selebra Jogu Tóquiu Olímpiku no Partisipasaun Timor-Leste nian
2021/6/25
Foto Grupu 1
Atleta Olimpiku nain 3 husi Timor-Leste
Embaixador Masami Kinefuchi
Sekretariu Estadu Juventude no Desportu, S. E. Sr. Abrão Saldanha
Iha loron Sesta, 25 Junhu, 2021: Embaixador Japaun nian ba Timor-Leste, S. E. Sr. Masami Kinefuchi organiza resepsaun ida hodi selebra Jogu Olímpiku Tóquio no partisipasaun Timor-Leste nian, hodi konvida delegasaun Timor Oan ne’ebe mak sei ba partisipa iha Jogu Olímpiku Tóquio iha ninia residensia. Resepsaun ida ne’e realiza ho konvidadus mínimu no halo tuir protokolu COVID.
Imelda Felicyta Ximenes Belo no Jose João da Silva Viegas sei reprezenta Timor-Leste hodi kompete iha natasaun, no Felisberto de Deus sei reprezenta Timor-Leste iha atletismu. Entre distintus konvidadus sira iha resepsaun ne’e, iha mos Sekterariu Estadu Juventude no Desportu, S. E. Sr. Abrão Saldanha; Vise Presidente Komite Olímpiku Nasional, Sr. Mateus da Cruz de Carvalho; Presidente Confederasaun Desportu Timor-Leste no Federasaun Atletismu, Sr. Afranio Xavier; no eis-atletas Olímpiku Timor Oan hanesan Sra. Aguida Amaral, Augusto Ramos no Francelina M. Cabral.
Imelda Felicyta Ximenes Belo no Jose João da Silva Viegas sei reprezenta Timor-Leste hodi kompete iha natasaun, no Felisberto de Deus sei reprezenta Timor-Leste iha atletismu. Entre distintus konvidadus sira iha resepsaun ne’e, iha mos Sekterariu Estadu Juventude no Desportu, S. E. Sr. Abrão Saldanha; Vise Presidente Komite Olímpiku Nasional, Sr. Mateus da Cruz de Carvalho; Presidente Confederasaun Desportu Timor-Leste no Federasaun Atletismu, Sr. Afranio Xavier; no eis-atletas Olímpiku Timor Oan hanesan Sra. Aguida Amaral, Augusto Ramos no Francelina M. Cabral.
Vise Presidente Komite Olimpiku Nasiona, Sr. Mateus da Cruz de Carvalho
Foto Grupu 2
Durante resepsaun ne’e, Embaixador Kinefuchi kongratula atleta sira ne’ebe selesionadu hodi reprezenta Timor-Leste no mensiona katak “Timor-Leste halo ona conquista boot ida, sai husi ahukdesan konflitu nian no kria nasaun ida ne’ebe forti iha tinan 20 nia laran no partisipasaun Timor-Leste nian iha Jogu aumenta tan signifikadu espesial ba Olímpiku ida ne’e. Ha’u fiar metin katak imi, Delegasaun Timor-Leste no atletas sira, sei sai parte importante ida husi susessu Olímpiku nian no mensagem positivu hirak ne’ebe mak Olímpiku haruka sai ba mundu.”
Sekretariu Estadu Juventude no Desportu, S. E. Sr. Saldanha mos felisita, “Ha’u espera katak ita nia partisipasaun iha Jogu Tóquiu Olímpiku tinan ida ne’e laos hatudu deit komitmentu husi ita nia governu hodi partisipa iha eventu desportivu prestigioso hanesan Olímpiku maibe ha’u mos hein katak ita nia partisipasaun iha tinan ida ne’e sei marka inisiu bae tapa foun ida ne’ebe mak sei lori ita ba iha susessu desportu nian iha futuru.”
Delegasaun Timor-Leste nian sei aranka husi Dili hodi ba Japaun iha loron 12 fulan Julhu, 2021. Ba dala uluk, sira sei hela iha Sidade Ina, Perfeitura Nagano ne’ebe mak sai hanesan sidade uma-nain ba atleta Timor Oan sira iha sira nia partisipasaun iha jogu ne’e.
Sekretariu Estadu Juventude no Desportu, S. E. Sr. Saldanha mos felisita, “Ha’u espera katak ita nia partisipasaun iha Jogu Tóquiu Olímpiku tinan ida ne’e laos hatudu deit komitmentu husi ita nia governu hodi partisipa iha eventu desportivu prestigioso hanesan Olímpiku maibe ha’u mos hein katak ita nia partisipasaun iha tinan ida ne’e sei marka inisiu bae tapa foun ida ne’ebe mak sei lori ita ba iha susessu desportu nian iha futuru.”
Delegasaun Timor-Leste nian sei aranka husi Dili hodi ba Japaun iha loron 12 fulan Julhu, 2021. Ba dala uluk, sira sei hela iha Sidade Ina, Perfeitura Nagano ne’ebe mak sai hanesan sidade uma-nain ba atleta Timor Oan sira iha sira nia partisipasaun iha jogu ne’e.