Japaun kontinua fo apoiu ba Agrikultores no Komunidade Povu Atsabe Parseria ho CARE Internasional Japaun
2022/2/14
Halo adubu durante treinamentu ortikultura
Tanki bee no Greenhouse
Plantasaun modo, depois de fulan ida treinamentu ortikultura
Japaun kontinua fó apoiu ba agrikultores no komunidade povu Atsabe parseria ho CARE Internasional Japaun. Senhor Masami KINEFUCHI, Embaixador Japaun nian no Senhora Yoko ITO, reprezentante CARE Internasional Japaun nian asina akordu subvensaun ida kona-bá “Projetu Dezenvolvimentu Rural Atsabe ba Melloramentu Sistema Abastesimentu Bee Agricola, iha Munisípiu Ermera (HAFORSA II)” iha loron 14 Fevereiru. Ida-ne’e kontratu tinan daruak ba projetu ho totál orsamentu US$349,722, depois de susesu finalizasaun Projetu HAFORSA I (2016-2019).
Projetu HAFORSA apoia grupu agrikultores sira iha Atsabe, Munisípiu Ermera, liu husi establesimentu sistema abastesimentu bee hodi uza ba nesesidade domestiku loron-loron nian nomos ba irigasaun produsaun modo. Projetu refere mos inklui konstrusaun fasilidade espesial atu introduz kultivu irrigasaun-turu ka drip-irrigation farming ba grupu agrikultores lokal iha rejiaun ne’e. Alein dissu, projetu ne’e oferese treinamentu sobre manutensaun fasilidade no kona-bá métodu foun kultivu ortikultura ne’ebé antes ne’e seidauk introduz. Durante implementasaun projetu ne’e, CARE Japaun nian sei foka mós ba igualdade jêneru no empoderamentu feto sira.
Iha tinan kotuk, iha projetu HAFORA I, Grupu Alvu Agrikultores lima harii ona fasilidade abastesimentu bee no tunel plastiku ne’ebé sira instala sistema drip-irrigation uza sira nia liman rasik para sira bele kolleta modo durante tinan ida nia laran. Projetu ne’e mos fornese fini modo hanesan tomate, brókolis, alfase, berinjela, nomos ekipamentu agríkolas inklui, enxadas, makina fila rai, no ancinho ka garfu hamoos rai, atu ajuda inisia produsaun. Grupu balun komesa fa’an ona sira nia produtus ba programa merenda escolar no iha merkadu lokal. Iha tinan daruak, CARE Internasional Japaun planeia atu implementa programa nafatin hanesan tinan primeiru hodi apoia grupu agrikultores 7 sira seluk.
Embaixador KINEFUCHI espresa ninia konfiansa katak CARE Internasional Japaun sei susesu iha implementasaun projetu ne’e ba tinan segundu bazeia ba sira-nia prestasaun iha tinan primeiru, hodi hatete, “Japaun apoia ona Timor-Leste ho projetu oioin, espesialmente liuhosi harii infraestrutura eskala-grande barak. Maibe au mesmo tempo, ami mós apoia ona projetus eskala-kiik barak ne’ebé benefisia direita povu sira iha área rurais, no projetu ida-ne’e mós faz parte entre esforsu importante sira-ne’e. Há’u sinseramente espera katak projetu sira-ne’e sei lori moris di’ak liu ba povu sira iha Atsabe.”
Projetu HAFORSA apoia grupu agrikultores sira iha Atsabe, Munisípiu Ermera, liu husi establesimentu sistema abastesimentu bee hodi uza ba nesesidade domestiku loron-loron nian nomos ba irigasaun produsaun modo. Projetu refere mos inklui konstrusaun fasilidade espesial atu introduz kultivu irrigasaun-turu ka drip-irrigation farming ba grupu agrikultores lokal iha rejiaun ne’e. Alein dissu, projetu ne’e oferese treinamentu sobre manutensaun fasilidade no kona-bá métodu foun kultivu ortikultura ne’ebé antes ne’e seidauk introduz. Durante implementasaun projetu ne’e, CARE Japaun nian sei foka mós ba igualdade jêneru no empoderamentu feto sira.
Iha tinan kotuk, iha projetu HAFORA I, Grupu Alvu Agrikultores lima harii ona fasilidade abastesimentu bee no tunel plastiku ne’ebé sira instala sistema drip-irrigation uza sira nia liman rasik para sira bele kolleta modo durante tinan ida nia laran. Projetu ne’e mos fornese fini modo hanesan tomate, brókolis, alfase, berinjela, nomos ekipamentu agríkolas inklui, enxadas, makina fila rai, no ancinho ka garfu hamoos rai, atu ajuda inisia produsaun. Grupu balun komesa fa’an ona sira nia produtus ba programa merenda escolar no iha merkadu lokal. Iha tinan daruak, CARE Internasional Japaun planeia atu implementa programa nafatin hanesan tinan primeiru hodi apoia grupu agrikultores 7 sira seluk.
Embaixador KINEFUCHI espresa ninia konfiansa katak CARE Internasional Japaun sei susesu iha implementasaun projetu ne’e ba tinan segundu bazeia ba sira-nia prestasaun iha tinan primeiru, hodi hatete, “Japaun apoia ona Timor-Leste ho projetu oioin, espesialmente liuhosi harii infraestrutura eskala-grande barak. Maibe au mesmo tempo, ami mós apoia ona projetus eskala-kiik barak ne’ebé benefisia direita povu sira iha área rurais, no projetu ida-ne’e mós faz parte entre esforsu importante sira-ne’e. Há’u sinseramente espera katak projetu sira-ne’e sei lori moris di’ak liu ba povu sira iha Atsabe.”