Entrega Vascinas Fabrikadu iha Japaun doses 168.000 doasaun husi Governu Japaun

2021/8/17
arrival of vaccine at Dili
ceremony
arrival of vaccine at Dili
H.E. General Taur Matan Ruak, Prime Minister
H.E. Mrs. Adaljiza Albertina Xavier Reis Magno, Minister for Foreign Affairs and Cooperation
Iha loron 13 fulan Agostu, vascinas Astra-Zeneca doses 168.000 ne’ebe mak produs iha Japaun to’o ona iha Dili. Vascinas hirak ne’e doasaun husi Governu Japaun no transporta liu husi voo freitadu COVAX ne’ebe utiliza parte balun husi kontribuisaun bilhaun 1 dolares amerikanu ne’ebe mak fo husi Governu Japaun ba COVAX.

Iha loron 16 fulan Agostu, serimónia entrega vascinas hala’o ona iha Ministériu Negosius Estranjeirus no Koperasaun, ho partisipasaun husi Primeiru Ministru S. E. Jeneral Taur Matan Ruak, Ministra Negosius Estranjeirus no Koperasaun S. E. Sra. Adaljiza Albertina Xavier Reis Magno, no Ministra Saúde S.E. Sra. Odete Maria Belo. 
Ambassador of Japan to Timor-Leste Mr. Masami Kinefuchi
(C)UNICEF Timor-Leste.JPG
Surtu COVID-19 muda dramatikamente ema nia moris iha mundu tomak. Ema barak liu mak hasoru dadaun tragedia no difikuldades boot ne’ebe mak antes ne’e sira nunka hasoru iha sira nia moris. Japaun fiar katak vascinas mak ekipamentu krítiku ida hodi ajuda salva vidas iha mundu inklui Timor-Leste.

Embaixador Japaun nian ba Timor-Leste, Sr. Masami Kinefuchi hateten iha ninia deskursu katak “Governu Japones oferese ona asistensia oi-oin hodi suporta itaboot sira nia luta hasoru Covid-19. Durante tinan ida ikus ne’e, Japaun finansia ona projetus oi-oin liu husi JICA, UNICEF, PNUD (Programa Dezenvolvimentu Nasoens Unidas), BDA (Banku Dezenvolvimentu Asiátiku) no BM (Banku Mundial) ho montante total liu husi milhaun 16 dolares amerikanu. Ohin loron, vascinas Astra-zeneca ne’ebe produs iha Japaun, ho montante kuaze doses 170,000 to’o iha ne’e. 

Ida ne’e parte ida husi promesa ne’ebe ami nia Primeiru Ministru hato’o iha Junhu, wainhira nia konvoka Reuniaun Vascina COVAX hamutuk ho GAVI. Ha’u espera katak fornesimentu adisional vascinas husi Japaun ne’e sei kontribui hodi halo kmaan situasaun pandemia iha país ida ne’e. 
at the ceremony
“Hamutuk ita forte, fahe-malu ita monu”. Ida ne’e mak país ida ne’e prova ona iha ninia história no kontinua sai hanesan matadalan importante ida iha tinan barak ne’ebe sei mai. Ida ne’e sai mos realidade indeskutivel ba ita hotu iha mundu globalizadu ida ne’e.”

Alemde doasaun vascinas Astra-Zeneca no kadeia-malirin, Japaun oferese ona asistensia oi-oin hodi responde ba COVID-19 no kometidu nafatin hodi oferese total asistensia milhaun 16 resin dolares amerikanu ba medidas kontra COVID-19 iha Timor-Leste.