Resepsaun Aniversáriu Imperadór nian 2026

   Iha loron 2 fulan Marsu, Embaixadór Yamamoto sai uma-na'in ba Resepsaun Loron Nasionál nian iha okaziaun Aniversáriu Sua Majestade Imperadór nian. Ami-nia Embaixada iha onra atu simu S.E. Dr. José Ramos-Horta, Prezidente Repúblika Timor-Leste, membru IX Governu Konstitusionál, membru Parlamentu Nasionál, funsionáriu Governu, xefe no membru korpu diplomátiku, ajénsia ONU, organizasaun internasionál no sosiedade sivíl.

   Kalan ne’e loke ho knananuk nasionál nasaun rua ne’e nian, tuir mai Embaixadór Yamamoto nia diskursu hato’o agradesimentu sinseru ba Prezidente José Ramos-Horta no povu Timor-Leste ba sira-nia amizade no kooperasaun hasoru Japaun. Aleinde ne’e, ida ne’e mak Embaixadór Yamamoto nia Resepsaun Loron Nasionál dahuluk ne’ebé sai uma-na’in iha ne’e iha Timor-Leste no Embaixadór Yamamoto kompromete atu halo esforsu hotu-hotu hodi halo progresu konkretu iha relasaun bilaterál. (Testu diskursu Embaixadór nian disponivel iha ne'e)

   Hafoin ne’e, Prezidente Ramos-Horta hato’o ninia diskursu hodi fó parabéns ba Sua Majestade Imperadór ba ninia aniversáriu no hato’o ninia apresiasaun ba Japaun nia kompromisu ba dezenvolvimentu Timor-Leste no ninia povu nia moris di’ak. Tuir diskursu, hala'o serimónia tradisionál japunés ida ho naran Kagami-Biraki, ne'ebé simboliza abertura ida armonia no sorte di'ak nian.

   Durante resepsaun ne’e, ONG no empreza Japaun lima – Frontline, PARCIC, Peace Winds Japan, Tsuneishi Timor Shipbuilding, no Wakachiku Construction – monta sira nia kabina individuál no aprezenta sira nia atividade no produtu ba bainaka sira.

    Embaixada Japaun hakarak hato’o agradesimentu wain ba bainaka sira hotu ba prezensa.