Hau nia moris nu’udar estudante iha Japaun (MEXT Scholarship: Patricia Angelica de Fatima Fonseca)
2022/6/7
Naran: Patricia Angelica de Fatima Fonseca
Titulu Atual: Alumni of MEXT Scholarship
Universidade iha Japaun: Toyohashi University of Technology
Durasaun hela iha Japaun: 2019 - 2021
Primeira vez ba hau moris sai husi rai laran, dook husi ema sira nebe’e hau hadomi, atu duni hau nia mehi nebe’e atu besik sai realidade, iha nasaun ida nebe’e hau hakarak tebes atu ba vizita iha loron ruma, depois de hare atuasaun husi banda local ida iha YouTube. Alem de ida ne’e, Japaun sai hanesan nasaun ida nebe’e mais avansadu iha mundu, no hau iha desejo atu ba hare no esperiensia buat hotu diretamente. Ikus mai, hau hetan oportunidade atu ba eskola iha Japaun, ba kursu Mestrado iha area Enjinaria Sivil iha laboratoriu Earthquake Disaster Engineering, iha Toyohashi University of Technology, sidade Toyohashi, Aichi, Japaun. Iha neba, hau estuda liu oinsa atu halo planu ba edifisiu sira hodi bele forsa hasoru terremoto.
Titulu Atual: Alumni of MEXT Scholarship
Universidade iha Japaun: Toyohashi University of Technology
Durasaun hela iha Japaun: 2019 - 2021
Primeira vez ba hau moris sai husi rai laran, dook husi ema sira nebe’e hau hadomi, atu duni hau nia mehi nebe’e atu besik sai realidade, iha nasaun ida nebe’e hau hakarak tebes atu ba vizita iha loron ruma, depois de hare atuasaun husi banda local ida iha YouTube. Alem de ida ne’e, Japaun sai hanesan nasaun ida nebe’e mais avansadu iha mundu, no hau iha desejo atu ba hare no esperiensia buat hotu diretamente. Ikus mai, hau hetan oportunidade atu ba eskola iha Japaun, ba kursu Mestrado iha area Enjinaria Sivil iha laboratoriu Earthquake Disaster Engineering, iha Toyohashi University of Technology, sidade Toyohashi, Aichi, Japaun. Iha neba, hau estuda liu oinsa atu halo planu ba edifisiu sira hodi bele forsa hasoru terremoto.
Alem de ida ne’e, hau mos tuir kursu ba lingua Japaun nivel basiku ho nune’e hau bele komunika no komprende lian Japaun, hodi uza ba lianguagem loron-loron nian. Hau hasoru kolega internasional barak, no hau halo kolega mos ho ema Japones sira. Durante hau nia tempu livre, hau mos hola parte iha servisu part-time, hodi hadiak hau nia linguagem bainhira uza lian Japones, no sai hanesan oportunidade mos ba hau atu aprende konaba Japones nia sistema servisu, mezmu iha supermercado. Hasoru ema lokal no internasional sai hanesan esperiensia ida nebe’e diak tebes tamba hau hetan oportunidade atu fahe ba sira konaba hau nia rain, de facto, sira barak mak lahatene Timor nia lokalizasaun no oinsa moris agora iha Timor.
Iha Timor, iha deit tempu bailoron ho udan, maibe iha Japaun iha periodu 4. Hau nia tempu favoritu mak primavera ho outonu. Primavera komesa husi fulan Marsu to’o fulan Maio. Durante primavera, hau bele hare cherry blossoms no aifunan barak mak funan, ho temperatura husi 4 to 18 °C. No iha outonu, aitahan sira monu depois de troka nia kor nebe’e furak tebes. Hau gosta mos bainhira tempu malirin, maibe iha Toyohashi, ita ladun hare neve ka salju, tamba dalabarak liu, durante tempu malirin, anin maka’as ho nia temperature husi 0 ba -3 °C.
Esperiensia nebe’e furak liu nebe’e hau hetan mak oinsa Ema Japaun maneja sira nia lixu. Hau ba nebe’e deit, hau la hare hetan foer ruma nebe’e soe iha dalan ga iha fatin publiku. Lixu sira ne’e fahe ba plastiku ida-ida nebe’e governu prepara ona, no iha mos sira nia orariu atu foti lixu iha estasaun lixu nian iha kada apartamentu ka uma. Hau hetan inspirasaun atu halo nune’e bainhira hau fila ba hau nia rain. Sae bisikleta ba servisu fatin no eskola hanesan akitividade normal iha Japaun, maibe ba hau, loron-loron, hau lao deit ba hau nia universidade ka laboratoriu, tamba hau nia apartamentu la dook, no preciza deit minutu 5 bainhira lao, maibe bainhira hau sai ba sosa hau nia hahan ka sasan nebe hau preciza, hau sempre sae transporte publiku hanesan bus, ba-mai. Hau gosta buat hotu konaba Japaun, nia kultura nebe’e uniku, nia ema nebe’e laran diak tebes, no importante liu mak, hahan nebe delicious barak tebes.
Moris nebe’e hau hal’ao iha Japaun, hanorin hau atu sai ema nebe’e forsa no brani, bele maneja tempu ho diak, liliu mak, agradese ba saida mak hetan iha moris ne’e.
Obrigada barak.
Moris nebe’e hau hal’ao iha Japaun, hanorin hau atu sai ema nebe’e forsa no brani, bele maneja tempu ho diak, liliu mak, agradese ba saida mak hetan iha moris ne’e.
Obrigada barak.
