Resepsaun ba Aniversáriu Imperador Tinan 2025

Iha loron 27 fulan Fevereiru, Embaixador no Sra. Kimura organiza Resesaun Loron Nasional iha okaziaun Loron Aniversáriu Sua Majestade Imperador nian. Ami nia Embaixada hetan honra hodi simu S. E. Dr. José Ramos Horta, Presidenti Repúblika Timor-Leste, Membru Governu sira husi Governu Konstitusional da-IX, Ofisiais Governu sira, chefi no membro korpu diplomátiku sira, agensia ONU sira, organizasoens internasionais no sosiedade sivil sira.

Kalan nee loke ho hino nasional husi países rua nian, nebe hananu husi grupu koru Instituto São João de Brito. Nebé haktuir kedas ho deskursu husi Embaixador Kimura nebe expressa ninia gratidaun sinseru ba Presidenti José Ramos-Horta no povo Timor-Leste ba sira nia amizade no kooperasaun ho Japaun. Aleinde nee, Embaixador Kimura explica mos kona ba progresu husi meta tolu, nebe nia rasik promete ona wainhira nia komesa ninia misaun; hodi hametin kooperasaun iha área agrikultura no peskas; hodi konvida empresa Japones barak liu tan hodi investe iha Timor-Leste iha área sira hanesan energia, ambiente, no indústria; no hodi promove lasu entre ema-ba-ema nebe mak sai fundasaun ba amizade entre países rua nee. (Deskursu Embaixador nian bele haree iha nee)

Presidenti Ramos-Horta hato’o ninia deskursu hodi kongratula Sua Majestade Imperador ba ninia aniversáriu no expressa ninia apresiasaun ba Japaun nia komitmentu ba desenvolvimentu Timor-Leste nian no bem-estar povu Timor-Leste nian. Hafoin Presidenti nia deskursu, serimónia tradicional Japones nian ida ho naran Kagami-Biraki, nebe simboliza dalan nakloke ida ba harmonia no sorti diak mos hola fatin.

Hamutuk ho hahan Japones nian, bainaka sira mos haksolok ho sake, vinho Japones nebe halo husi foos, no xa Japones nian, nebe hotu-hotu representa kultura Japones nebe riku tebes.

Embaixada Japaun hakarak hato’o sinseru gratidaun ba bainaka sira hotu ba sira nia prezensa.