Resepsaun ba Antigus Alunus sira ne’ebe hala'o Estudu iha Japaun
2022/8/11
Reuniaun Antigus Alunus
Iha loron Kinta, 11 de Agostu, 2022; Embaixador Japaun organiza resepsaun ida ba Timor Oan hirak ne’ebe hala’o sira nia estudu iha Japaun iha kapasidade oi-oin hodi selebra 20゜Aniversariu “ Lasu Amizade no Solidaridade”, iha Rezidensia Embaixador nian iha Dili.
S.E. Sr. Armindo Maia
Marka prezensa iha resepsaun ne’e entre bainaka seluk; Ministru Edukasaun, Juventude no Desportu, S.E. Sr. Armindo Maia, Ministru Obras Públika, S.E. Sr. Abel Pires da Silva, Ministru Petroleum no Minerais, S.E. Sr. Victor da Conceição Soares, no Membrus Grupu Amizade Parlamentar Japaun – Timor-Leste.
Primeira Asembleia Jeral Asosiasaun Antigus Alunus Japaun iha Timor-Leste (AJATL)
Iha okaziaun ne’e, estabelese ona Asosiasaun Antigus Alunus Japaun iha Timor-Leste (AJATL), no Sr. Cancio Monteiro mak nomeadu nu’udar Primeiru Presidente Asosiasaun nian.