【Komunikadu Imprensa】Governu Japaun no JICA Promove Atividade no Susesu ba Japan Overseas Cooperation Volunteers (JOCVs) iha Timor-Leste

   
 

Iha loron 23 fulan Juñu, 2017, Embaixada Japaun iha Timor-Leste, serbisu hamutuk ho JICA Timor-Leste, hala’o resepsaun iha rezidénsia Embaixadór nian, hodi introdús sira-nia atividade no susesu atual iha nivel rural kombina ho aprezentasaun rua husi Japan Overseas Cooperation Volunteers (JOCVs) Kooperasaun Voluntáriu Japonés nian ba Rai Li’ur. Iha resepsaun, representante nain rua halo ona apresentasaun hodi fahe sira nia esperiensia.
 
Iha okaziaun ba resepsaun ne’e, JOCVs hetan oportunidade hodi halo vizita kortezia ba Palacio Presidente hasoru S.E. Sra. Cidalia Nobre Guterres, espousa Presidente Timor-Leste antes de resepsaun.
 
Agora daudauk, totál  JOCVs hamutuk nain 28 mak servisu hela hanesan espesialista iha instituisaun governu, ospitál, eskola no ONG sira iha Munisipiu Aileu, Baucau, Dili no Liquica. Iha apresentasaun Sr. Shota Tokunaga ne’ebé mak hetan knaar iha Federasaun Futebol Timor-Leste, fo treinu ba ekipa U12 no U14 fahe nia esperiénsia no dezafiu sira ne’ebé nia hasoru durante tinan rua nia laran kona-ba servisu ho partisipante sira. Oradór Tetun seluk, Sra. Ai Chikayuki, ne’ebé mak hetan knaar iha Centru Rehabilitasaun Nasional hanesan Fisioterapeuta ida, apresenta nia atividade kona-ba impartansia hosi nia abilidade no dezemvolve matadalan fisioterapeuta nian.
 
JOCVs sira seluk, kontribui ona ba dezenvolvimentu rekursu umanu iha Timor-Leste iha área dezenvolvimentu komunitáriu, produtu ba suporta desafius fiziku, nutrisaun, parteira, edukasaun físika, turismu, programa produsaun TV, hortikultura, kulinária no seluk tan.
 
Programa JOCVs iha istória naruk. Ida-neʼe hahú iha 1965, no ida-ne’e marka ona ba tinan lima-nolu (50º ano) iha tinan 2015. Iha Timor-Leste, JOCVs rua uluk koloka ba ONG nasionál “Ba Futuru” ba edukasaun joven sira hanesan voluntária kurtu-prazu iha tinan 2010. Ho rezultadu diak ne’ebé fo impaktu pozitivu ida ba joventude Timor-Leste, JICA, ajénsia distansiamentu JOCV nian, deside ona atu haruka voluntária ho termu kompletu ba Timor-Leste iha tinan 2011. To’o oras ne’e totál kumulativu 49 JOCVs mak haruka ona ba Timor-Leste dezde 2010.
 
Lema JOCVs nian mak “Hamutuk ho Komunidade Lokal”, ne’e indika katak sira hakarak teb-tebes atu servisu hamutuk ho ema lokál no kontribui ba dezenvolvimentu sosiál no ekonómiku Timor-Leste. Tanba sira-nia Koñesimentu, atividade ne’ebé lokalmente-komete no fluénsia iha lian Tetun, sira-nia dezempeñu mak apresia aas husi instituisaun sira iha Timor-Leste, no pedidu Governu Timor-Leste nian atu haruka JOCVs kontinua aumenta to'o agora.
 
Iha diskursu, Embaixadór Eiji Yamamoto dehan, “JOCVs sira laos joventude baibain maibe sira joventude ne’ebé mak iha esperiencia no specialidade nudar profesional iha area hanesan Saúde, Kulinária, Hospitalidade, Edukasaun, Programa TV no seluk seluk tan.”
 
Alende JOCVs, aprezentasaun no resepsaun ne’ebé mak partisipa ona husi konvidadus lubuk boot ida husi instituisaun Governu, ajénsia dezenvolvimentu sira, ONG sira, no JOCVs nia omólogu/parseiru sira.