Esquadrão Treinamentu Forsa Autodefesa Marítima Japaun iha hela Dili komesa loron 3 to’o 5 fulan Julhu!

Forsa Autodefesa Marítima Japaun haruka dadaun ninia esquadrão treinamentu mai Timor-Leste pela primeira vez iha história. Ida ne’e cruzeiru treinamentu ida ba ofisiais junior sira ne’ebe mak foin gradua husi Eskola Kandidatus Ofisiais nian. Liu husi treinamentu ne’e, ofisiais junior sira sei lori ba prátika kunhesimentu no espíritu ne’ebe mak sira hetan iha eskola no prepara sira nia a’an hodi sai lideransa JMSDF iha futuru. Iha tempu hanesan, sira mos promove dadaun relasaun amizade ho nasaun hirak ne’ebe mak sira vizita. Cruzeira treinamentu oceano ida ne’e, hala’o ona kada tinan desde 1957 no cruzeiru tinan ida ne’e nian mak cruzeiru bad ala 65.
 
Tenente General Lere Anan Timur, Komandante Forsa Defesa FALINTIL-FDTL hateten katak nia kontente tebes hodi simu ofisiais Navais Japones junior hirak ne’e. “Ha’u espera katak itaboot sira nia vizita mai Timor-Leste bele sai esperênsia memorável ida, no sempre hanoin ami nia nasaun nia naran Timor-Leste. Ida ne’e la’os rohan, maibe foin mak inisiu ida. ha’u espera katak itaboot sira hetan jornada agradável ida no inspira itaboot sira nia kareira iha futuru.”
 
Contra-Almirante Yoshikazu Ishimaki, Komandante Cruzeiru Treinamentu Exterior Forsa Autodefesa Marítima Japaun manda mensagem ida katak ida ne’e ksolok boot ida katak sira nia Cruzeiru Treinamentu Exterior halo xamada portuária iha Dili, Timor-Leste ba dala uluk. Objetivu husi sira nia Cruzeiru Treinamentu Exterior ne’e mak ba sira nia ofisiais hirak ne’ebe foin hetan postu hodi hetan kunhesimentu no abilidade básiku  hodi bordo roo, hodi haluan sira nia vizaun global no hodi promove amizade ho nasaun hirak ne’ebe mak sira vizita. Nia sinseramente espera katak xamada portuária ida ne’e sei hametin liutan kumpriensaun mútua, koperasaun defesa no relasaun bilateral entre Timor-Leste no Japaun.