Vizaun Jeral Resultadus Simeira kona-ba Nutrisaun ba Kresimento (N4G) Tóquio 2021 (Sesaun Nível Altu)
2021/12/21
1Primeiru Ministru Kishida hato’o diskursu abertura iha Simeira kona-ba Nutrisaun ba Kresimento (N4G) Tóquio 2021 (Imajen: Gabinete Asuntu Públiku)
Ministru Negosiu Estranjeirus Hayashi hato’o diskursu boas-vindas iha Simeira N4G Tóquio 2021
Diskursu liuhosi vídeo husi S. E. Sr. Taur Matan Ruak
Iha loron 7 fulan Dezembru, realiza ona Sesaun Nivel Altu ba Simeira kona-ba Nutrisaun ba Kresimentu (N4G) Tóquio 2021. Governu Japaun nudar anfitrião ka uma-na’in ba Simeira ne’e konvoka konferênsia internasional ne’e ho formatu híbridu hodi kombina partisipasaun fiziku husi partisipantes domestiku no partisipasaun virtual liuhosi vídeo ka online husi partisipantes estranjeirus. Total partisipante na’in 50 resin mak atende Sesaun Nivel Altu ba loron primeiru husi Simeira ne’e, inklui lideres no partisipantes nivel ministerial husi serka nasaun tolu-nulu (30).
Iha sesaun abertura ba loron primeiru Simeira ne’e, S.E. Sr. Taur Matan Ruak, Primeiru Ministru Timor-Leste, partisipa iha konferênsia internasional ne’e hodi hato’o diskursu liuhosi vídeo, hamutuk ho Presidente República Democrática do Congo, S.E. Sr. Felix Anotine Tshisekedi Tshilombo, Primeiru Ministru República Popular de Bangladesh, S.E. Sr. Sheikh Hasina no reprezentante sira seluk husi organizasoens internasional.
Simeira N4G Tóquio 2021 konvoka atu hatudu meius ba komunidade internasional hodi hadiak nutrisaun nomos enkoraja partes interessadas oioin atu foti asaun konkreta liuhosi sira-nia komunikadu politika no kompromisus finanseirus, no atu lidera medidas global ba melloramentu nutrisaun.