Japaun fornese fundu gratuitu milhaun $44 ba Konstrusaun Terminal Aeroportu Internasional Presidente Nicolau Lobato
2021/10/1
Iha loron 1 fulan Outubru, Governu Japaun asina ona troka notas ho Governu Timor-Leste kona ba fundu gratuitu hodi konstrui terminal aeroportu foun ba Aeroportu Internasional Presidente Nicolau Lobato.
Dokumentu refere asina ona entre Embaixador Japaun nian ba Timor-Leste, Sr. Masami Kinefuchi no Vise Ministru no Ministru Negosius Estranjeirus no Koperasaun Interinu, S. E. Sr. Julião da Silva. Serimónia asinatura ida ne’e hetan prezensa husi Primeiru Ministru, S. E. Jeneral Taur Matan Ruak, S. E. Sra. Armanda Berta dos Santos, Vise Primeira Ministra, S. E. Sr. Jose Maria dos Reis, Vise Primeiru Ministru, no Membrus Governu barak seluk.
Fundu gratuitu bilhaun 4.901 Yen Japones (aproximadamente milhaun 44 dolares amerikanu) husi Japaun ida ne’e ba konstrusaun edifisiu terminal passajeirus andar-rua ida ho medida 11,653 metrus kuadradus bazea ba númeru projetadus ba passajeirus aeroportu iha tinan 2030 no akompanha mos ho estasaun enerjia ida. Hamutuk ho preparasaun servisu sira, montante total husi asistensia Japaun nian ida ne’e atinji milhaun 46 dolares amerikanu.
Konstrusaun fasilidades terminal ida ne’e sei hasa’e kapasidade no seguransa aeroportu hodi halo tuir padraun internasional nian. Ida ne’e sei kontribui mos ba hadi’ak turismu no konektividade país nian, área prioridade a’as liu ba Governu Timor-Leste. Governu Japaun iha komitmentu hodi kontinua kontribui ba iha área infraestrutura, atu nune’e Timor-Leste bele atinji ninia futuru ne’ebe mak diak liu.
“Ohin loron mak loron ida ne’ebe ita hotu-hotu hein: loron akordu internasional nian ba projetu Aeroportu Internasional Presidente Nicolau Lobato.” Embaixador Japaun nian ba Timor-Leste, Sr. Masami Kinefuchi hateten, “Tinan 20 ikus ne’e sai nu’udar periodu rekonstrusaun ida depois restaurasaun independensia, ha’u espera katak Timor-Leste sei halo tinan 20 tuir mai sai hanesan faze kresimentu foun ida, lori desenvolvimentu ekonómiku no sosial ne’ebe dinâmiku liu, alimentadu husi projetu aeroportuáriu ida ne’e.”
Japaun sai ona parseiru ba harií nasaun Timor-Leste nian durante tinan naruk desde tinan 1999. To’o ohin loron, Japaun ho sussessu implementa ona projetus subvensaun barak ba hadi’ak infrastrutura chave sira hanesan estradas, portus, pontes no sistema fornesimentu bee-moos iha rejiaun oi-oin husi Timor-Leste.
Dokumentu refere asina ona entre Embaixador Japaun nian ba Timor-Leste, Sr. Masami Kinefuchi no Vise Ministru no Ministru Negosius Estranjeirus no Koperasaun Interinu, S. E. Sr. Julião da Silva. Serimónia asinatura ida ne’e hetan prezensa husi Primeiru Ministru, S. E. Jeneral Taur Matan Ruak, S. E. Sra. Armanda Berta dos Santos, Vise Primeira Ministra, S. E. Sr. Jose Maria dos Reis, Vise Primeiru Ministru, no Membrus Governu barak seluk.
Fundu gratuitu bilhaun 4.901 Yen Japones (aproximadamente milhaun 44 dolares amerikanu) husi Japaun ida ne’e ba konstrusaun edifisiu terminal passajeirus andar-rua ida ho medida 11,653 metrus kuadradus bazea ba númeru projetadus ba passajeirus aeroportu iha tinan 2030 no akompanha mos ho estasaun enerjia ida. Hamutuk ho preparasaun servisu sira, montante total husi asistensia Japaun nian ida ne’e atinji milhaun 46 dolares amerikanu.
Konstrusaun fasilidades terminal ida ne’e sei hasa’e kapasidade no seguransa aeroportu hodi halo tuir padraun internasional nian. Ida ne’e sei kontribui mos ba hadi’ak turismu no konektividade país nian, área prioridade a’as liu ba Governu Timor-Leste. Governu Japaun iha komitmentu hodi kontinua kontribui ba iha área infraestrutura, atu nune’e Timor-Leste bele atinji ninia futuru ne’ebe mak diak liu.
“Ohin loron mak loron ida ne’ebe ita hotu-hotu hein: loron akordu internasional nian ba projetu Aeroportu Internasional Presidente Nicolau Lobato.” Embaixador Japaun nian ba Timor-Leste, Sr. Masami Kinefuchi hateten, “Tinan 20 ikus ne’e sai nu’udar periodu rekonstrusaun ida depois restaurasaun independensia, ha’u espera katak Timor-Leste sei halo tinan 20 tuir mai sai hanesan faze kresimentu foun ida, lori desenvolvimentu ekonómiku no sosial ne’ebe dinâmiku liu, alimentadu husi projetu aeroportuáriu ida ne’e.”
Japaun sai ona parseiru ba harií nasaun Timor-Leste nian durante tinan naruk desde tinan 1999. To’o ohin loron, Japaun ho sussessu implementa ona projetus subvensaun barak ba hadi’ak infrastrutura chave sira hanesan estradas, portus, pontes no sistema fornesimentu bee-moos iha rejiaun oi-oin husi Timor-Leste.
(REMATA)
