Asistensia Japaun nian ba Timor Leste

 

 

Serimonia Asinatura kona ba Fornesementu Asistensia Fundus atu Suporta demokrasia hodi promove partisipasaun ba eleisaun iha Dili

 

Iha 29 de Junio, 2012, Governu Japaun hala’o serimonia asinatura iha Dili ba Kontratu Fundu Japonez nian ho Fundasaun Asia. Governu Japaun sei fo tulun hamutuk rihun 59,848 dolares Amerikanu ba “Projetu atu Suporta Demokrasia inklui promosaun partisipasaun ba eleisaun iha Dili”. Liu-hosi Fundu Asistensia Japaun nia ba Projetu Seguransa Humana iha Area Rurais (GGP), ne’ebe hetan asistensia fundus atu responde nesesidade oin-oin ba povu Timor-Leste. Sr. Juvencio Martins, Diretor Geral ba Relasaun Eksternal, Ministerio Negosio Estranjeiro mos hola parte iha serimonia ne’e.

 

Projetu ne’e ho nia hanoin atu suporta ho seguru no justisa ba moris iha Dili ho promove partisipasaun hosi area rurais ba eleisaun no seminario. Liu-hosi projetu ne’e, Governu Japaun sei suporta misaun internasional ba monitorizasaun eleisaun ba eleisaun parlamentar ne’ebe sei hala’o iha dia 7 fulan Julio.

 

Projetu ne’e hakarak atu enkoraza kooperasaun entre ONG Lokais no Internasionais ba monitorizaun eleisaun. Liu-hosi monitorizasaun eleisaun sei bazea ba treinamentu ne’ebe prepara hosi misaun, projetu ne’e nia hanoin atu hametin kapasidade hosi ONG lokais sira nia atividade iha futuru oin mai iha area demokrasia. Fundasaun Asia no parseiru ONG lokais sira sei mos hala’o grupu estudu no seminario ba komunidade lokal sira iha Timor-Leste atu bele promove konsolidasaun demokrasia.

 

Governu Japaun suporta hela ona eleisaun nasional iha Timor-Leste. Iha tinan 2005 no 2009, Governu Japaun suporta ona eleisaun de Suco liu-hosi Sekretariado Tekniku Administrasaun Eleitoral (STAE) hosi Projetu GGP nian. Nune’e mos, Governu Japaun fornese ona fundu ba STAE, liu-hosi UNDP atu suporta eleisaun nasional iha tinan 2007 no eleisaun 2012. Hosi total fundu mak ne’ebe mak Governu Japaun fo ajuda mak miliaun 2.53 dolares Amerikanu ba STAE desde 2005.

 

Iha serimonia asinatura, Kontratu Fundu asina ona entre S.E. Sr. Yoshitaka HANADA, Embaixador Japaun ba Timor-Leste, no Sra. Susan MARX, Adjunto representate, hosi Fundasaun Asia iha Timor-Leste.

 

 

(c) Embassy of Japan in Timor-Leste　　Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130