Relasaun Publiku no Kultura

Dezembro 02, 2013

Embaixada Japaun halao Seremonia Resepsaun Loron Nasional hodi selebra aniversario Emperador nian ho prezensa husi S.E.Sr. Vicente da Silva Guterres, Prezidenti Parliamentu Nasional.

(Klik iha ne'e ba detaillu)

(Klik iha ne'e ba Diskursu Embaixador nian)

 

Novembru 21, 2013

Embaixada Japaun hala’o seremonia enviada ida ba partisipantes programa interkambiu joventude rua (“JENESYS”), Programa Asia International Children’s Film and Movie Festival no Programa Japan-ASEAN-Oceanian Student & Youth Exchange. Iha seremonia ida ne’e, ho prezensa husi S. E. Sr. Guterres, Ministru Negosius Estranjeirus no Koperasaun, hatudu filme ne’ebe mak estudantes Timor Oan sira produs rasik, no reprezentante sira husi grupu ida-idak espresa sira nia aspirasaun kona ba sira nia vizita. Espera katak partisipantes sira husi grupu rua ne’e sei sente kultura Japones, liu husi vizita ba eskola sira no mos home stay, no halo interaksaun ho Japones sira no foin sa’e sira husi nasaun Asia sira seluk.

 

Outubru 25, 2013

Embaixada Japaun hala’o sesaun reportajen ba partisipantes sira husi programa interkambiu joventude (“JENESYS 2.0”). Durante loron 10 estudantes sira loke sira nia matan no sente rasik kultura pop Japones nian. Sira fahe sira nia esperensia bazea ba sira nia grupus (Fashion, Entertainment no Animasaun), sira nia imajen kona ba Japaun antes no depois sira hela iha Japaun, no saida mak sira atu refleta hikas ba sira nia moris loron-loron nian husi kultura Japones. Aleinde ne’e, sira mos hato’o sira nia planu asaun sira hodi introdus saida mak sira aprende ona iha Japaun ba sira nia kolegas no komunidade.

 

Setembru 30, 2013

Embaixada Japaun organiza seremonia enviada ba partisipantes programa interkambiu joventude ("JENESYS") no professor da eskola nain rua ne'ebe mak sei partisipa iha Programa Formasaun ba Profesores. S. E. Sr. Teme, Ministru Administrasaun Estatal, S. E. Sr. Soares, Ministru Justisa, S. E. Sr. Mendonça, Sekretariu Estadu Joventude no Desportu, S. E. Sr. Ximenes, Vise Ministru Edukasaun ba asuntu ensinu superior, mak mai atende eventu ne’e hamutuk ho distintus konvidadus sira seluk.

 

Maiu 28, 2013

Iha loron 24 fulan Maiu, 2013, Embaixada Japaun hala’o eventu ida hodi hametin komprensaun diak entre Governu Timor-Leste no seitor privadu Japones nian hodi promove interkambiu ekonomiku entre Timor-Leste no Japaun. Embaixada simu konvidadus barak hanesan Presidenti Parlamentu Nasional Sr. Guterres, Ministru Negosiu Estranjeirus Sr. Guterres, Sekretariu do Estadu Kooperativa no Industria Sr. Pereira, Vise Presidenti Parlamentu Nasional (Presidenti Liga Amizade Parlamentar Japaun-Timor-Leste) Sr. Nascimento, media, korpus diplomatiku, iha okaziaun ida ne’e. Durante eventu ne’e, Embaixada simu ekspansaun negosiu ne’ebe mak boot tebes husi Fabrikante Makina Fotografia Japones ba Timor-Leste hanesan hateten ona “Timor-Leste agora dadaun iha dalan ida ba dezemvolvimentu total. No, kreasaun ba kampo de servisu, kresimentu seitor privadu, no investimentu husi rai liur importante tebes. Ida ne’e siknifikante tebes hetan visita husi seitor privadu Japones ne’ebe mak mai diretamente hodi haree Timor-Leste ninia desemvolvimentu total ho sira nia matan rasik.” No mos, valuntariu Japones ida husi Japan Overseas Cooperation Volunteer ne’ebe mak agora dadaun servisu valuntariu iha ONG lokal ida fo kunhese kona ba importansia husi edukasaun fotografia ba foin sa’e sira iha Timor-Leste hodi promove kultura fotografia iha Japaun.

 

Abril 27, 2013

Vise-Ministru Parlamentar ba Asuntu Negosiu Estranjeiru Minoru Kiuchi visita ona Timor-Leste iha loron 22 no 23 fulan Abril tinan 2013. Ida ne’e nu’udar visita altu nivel ba dahuluk mai Timor-Leste hafoin Governu Japones foun forma iha fulan Dezembru liu ba. Vise-Ministru Parlamentar ne’e halo vizita kortezia ba Presidenti da Republika Taur Matan Ruak, Vice Primeiru Ministru La Sama de Araujo, no Ministru do Negosiu Estranjeiru Jose Luis Guterres hodi hametin liutan relasaun bilateral. Vise-Ministru Parlamentar esplika katak nia hakarak atu promove relasaun amigavel entre nasaun rua ne’e liu husi Presidenti da Republika ninia vizita official ba Japaun no programa interkambiu joventude iha adisaun ba Japaun nia suporta ba Timor-Leste nia manutensaun infraestrutura no desenvolvimentu rekursu humanu.Vise-Ministru Parlamentar ne’e mos simu ho diak tebes husi Vise Presidenti Parlamentu Nasional Adriano do Nascimento, ne’ebe mak nu’udar Presidenti ba Liga Amizade Parlamentar TL-Japaun, hodi fahe sira nia hanoin kona ba diplomasia parlamentar, no depois ba vizita Eis Sekretariadu CAVR no Dili Institute of Technology ne’ebe mak hetan hela asistensia koperasaun tekniku no ekonomiku.

 

Marsu 15, 2013

Iha okaziaun komemorasaun 2 Aniversariu akontesimentu Rainakdoko no Tsunami iha 11 de Março, iha Embaixada Japaun halao seminariu ida kona ba rekonstrusaun no rekoperasaun iha Japaun no redusaun dezastre iha Timor-Leste. Husi Governu Timor-Leste, Vise Ministru ba asuntu Ensinu Superior no Siensia Ximenes, no Vice Ministru Solidadridade Sosial Rigoberto atende mos seminariu ne’e. Partisipantes hotu inklui ofisiais governu, dosentes universidade, estudantes husi universitatius no eskola sekundaria, no membrus sosiedade sivil kosentra hodi rona partisipantes Projetu KIZUNA (Bonds) fahe sira nia esperiensias hodi haklean liutan sira nia konesimentu ba redusaun dezastre iha Timor-Leste. Antes seminariu ne’e, eskola sekundaria ida nebe ninia estudantes ba visita ona Japaun liu husi projetu KIZUNA halao seremonia komemorasaun ida iha dadersan iha loron ne’e no hakerek mensazen iha kuadru ida hodi entrega direita ba Embaixada Japaun iha seminariu ne’e hodi hatudu sira nia simpatia no solidadridade ba povu Japaun.

 

Fevereiru 17-20, 2013

Eventu kulturál komemorativu finál ba Désimu Aniversáriu Relasoens Diplomátikus

(Klik iha ne'e atu hetan deskursu Embaixador nian)

(Klik iha ne'e ba informasaun seluk)

 

Fevereiru 4, 2013

Sesaun orientasaun ba partisipante 40 ba programa Kizuna (Bond) ne’ebe implementa hosi JICE realiza hosi Embaixada. Supervisor nain ha’at hala’o aprezentasaun kona-ba objetivu programa nian, orariu, no kona-ba kultura ema Japaun nian, nsst. Partisipante sira husik Timor-Leste iha loron tuir mai.

 

Janeiru 22, 2013

Sr. Tsuyoshi Kitazawa, Ofisiais Suportador husi JICA no reforma futebolista grupu nasional, visita Embaixada Japaun.

 

Janeiru 18, 2013

Partisipantes sira husi Projetu KIZUNA (Lasu) nian hatoo relatoriu kona ba sira nia esperiensias iha Japaun iha Embaixada Japaun iha 18 de Janeiro de 2013. Alein ne’e, Diretores husi sira nia eskola, coordenadores husi grupus sira nebe sei ba visita Japaun iha Fevereiro no Março, no representativu ida husi Ministeriu Edukasaun marka mos prezensa iha sesaun hato’o relatoriu no fahe partisipantes sira nia sentimentus esperiensias hamutuk ho ema Japones sira no sira nia aktividades voluntarius iha fatin sira nebe afetadu husi Rainakdoko no Tsunami iha Março 2011.

 

Dezembro 3, 2012

Selebrasaun loron aniversario resepsaun Nasional ba Sua Majestadu Japones nian

(Klik iha ne'e atu hetan deskursu Embaixador nian)

 

Novembro 28-Dezembro 3, 2012

Peritu ba Aranja Aifunan Japones “Ikebana’ sei haruka husi Fundasaun Japaun mai Timor hodi demonstra valores estetika husi arte tradisional Japones ne’e ho aifunan no aihoris

(Detaliu klik iha ne’e)

 

Novembro 19, 2012

Seremonia Enviada ba Projetu Kizuna (Lasu)nebe halao iha Embaixada. Mais ou menus partisipantes nain 80 hela besik iha Dili alende ne’e total partisipantes 130 sira nebe atende ona program JENESSYS marka mos prezensa iha seremonia ne’e. Seremonia ne’e hetan animasaun husi Artista Japones nain 3 husi Fundasaun Japaun (Japan Foundation) nebe visita ona Timor-Leste ba iventu kultural nian.

(Klik iha ne'e atu hetan deskursu Embaixador nian)

 

Novembro 14-19, 2012

Performa Timor-Leste “Hamutuk Hari’i Siklu Musika ida” husi Fundasaun Japaun (Japan Foundation)

(Detaliu klik iha ne’e)

 

Novembro 8, 2012

Konferensia ba Imprensa ida kona ba “Programa Interkambiu Juventude TL – Okinawa” nebe koordena husi “Assosiasaun O Rai Timor” nebe halao tiona iha Embaixada Japaun.

(Klik iha ne'e atu hetan deskursu Embaixador nian)

 

Setembru 25, 2012

Konferensia ba Imprensa ida kona ba Japaun ninia suporta ba desenvolvimentu rekursu humanu iha Timor-Leste, espesialmente liu husi programas bolsa de estudu konvoka hamutuk ho Vice Ministru Virgilio Smith iha Embaixada. Profesores da eskola Timor Oan nain 3 sei tama ba iha universidade Japaun husi Outubru hodi aprende lian Japones no metodologia hanorin nian durante tinan ida ho balun. Numeru foin sa’e Timor Oan ne’ebe mak estuda dadaun iha Japaun sei aumenta husi 15 agora dadaun ba 22 hafoin Timor Oan balun tan inklui profesores nain 3 ne’ebe mak mensiona iha leten sei tama ba universidade iha Marsu tinan oin.

(Klik iha ne'e atu hetan deskursu Embaixador nian)

 

Setembru 24, 2012

Partisipantes nain 30 husi Programa Kurtu Prazu Kizuna (Lasu) ne’ebe mak implementa husi AFS atende ona orentasaun ida iha Embaixada. Sira sei visita Japaun iha Dezembru liu husi programa ne’e. Governu Japaun sei konvida foin sa’e Timor Oan nain 160 liu husi programa interkambiu ba joventude to’o fim do Marsu tinan oin.

 

Setembru 10, 2012

Profesor Assosiadu husi Universidade Chuo hamutuk ho nia estudantes sira ne'ebe mak estuda kona ba koperasaun internasional, espesialmente hala'o peskiza kona ba Komunidade-Saneamentu Total Lideradu, mai visita Embaixada Japaun no hato'o relatoriu kona ba sira nia esperensia hamutuk ho ONG Japones AFMET, ne'ebe mak implementa dadqauk projeitu promosaun saude hamutuk ho parseirus lokal. Estudantes sira halo intervista habitantes sira hamutuk ho koperasaun AFMET.

 

Setembru 5, 2012

Foin sa’e Timor Oan nain4 mai visita Embaixada Japaun antes sira husik hela Timor-Leste hodi ba Japaun hodi atende Kizuna nia Programa Hela ba Longu Prazu nian. Husi 9 Setembru sira sei ba visita Perfeitura Iwate no Miyagi, ne’ebe mak nudar area afeitadu husi rai nakdoko no tsunami iha Marsu tinan kotuk, hodi sente diretamente esforsu rekonstrusaun husi povu Japones iha fatin akontesimentu hirak ne’e no hodi hak’lean sira nia komprensaun ba rekonstrusaun iha Japaun.

 

Junu 5, 2012

Kompetisaun Sertame ba Promosaun Saude organiza husi NGO SHARE nebe halao iha Distritu Ermera ho partisipasaun husi estudantes 36 husi Sub-distritus.

(Klik iha ne’e ba istoria kompletu)

 

Maiu 19-23, 2012

Aprezentasaun Kultural husi Grupu Baku Tambor Japones.

(Klik iha ne’e ba istoria kompletu)

 

Maiu 10-15, 2012

Atleta halai maratona nain rua husi Japaun mai iha Timor-Leste liu husi programa JENESYS.

(Klik iha ne’e ba istoria kompletu)

 

Maiu 4, 2012

Sr.Casimiro, artista Timor Oan ida ne'ebe mak hamahon a'an iha Arte Moris, hala'o visita kortezia ida ba iha Embaixada Japaun. Sr. Valentim sei ba visita Japaun liu husi programa interkambiu joventude ne'ebe mak bolu programa JENESYS. Nia sei servisu iha parte atividade artistiku hamutuk ho artista Japones no Asian sira seluk ne'ebe mak sei hela hamutuk.

 

Abril 12, 2012

 

Bolsa de Eatudu Governu Japaun 2013 "Reseach Students"

Bolsa de Eatudu Governu Japaun 2013 "Undergraduate Students / College of Technology Students/ Specialized Training College Students"

 

Marsu 26, 2012

Estudantes Timor Oan nain rua ne’ebe mak hetan bolsa de estudu hodi ba hala’o sira nia estudu iha Japaun komesa husi Abril ne’e hala’o visita kortezia ba Embaixador Hanada no hato’o sira nia esperansa no objetivus.Sr. Makarius sei estuda Relasaun Internasional iha Universidade Osaka.Sra. Olga sei estuda Enjineria iha Universidade Teknologia Nagaoka nian.

 

Marsu 11, 2012

Iha loron 11 Marsu ,2012, tinan ida hodi hanoin Rai Nakdoko no Tsunami ne'ebe mak akontese iha Japaun, Komisaun Solidaridade UNTL nian (KSNUJTL) no sira nia familia sunu lilin hodi hanoin hikas vitima sira ne'ebe mak lakon sira nia moris no nu'udar simbolu solidaridade iha Embaixada Japaun nia Oin.

 

Febreiru 6-10, 2012

Peritus jogus tradisional Japones nain tolu ne’ebe mak haruka husi Japan Foundation mai visita ona Dili, Baucau no Liquica.

Klik iha ne’e ba istoria kompletu

 

Dezembru 28, 2011

Embaixador Hanada hamutuk ho S. E. Sr. Paulo Assis Belo, Vise Ministru Edukasaun, no S. E. Sr. Virgilio Smith, Secretariu do Estadu Kultura nian intrega sertifikadus no medalia ba labarik Timor Oan nain 8 nudar agradesemantu ba sira nia susesu iha Mitsubishi Asian Children’s Enikki Festa 2010 – 2011. Nasaun Asian nain 24 partisipa iha Festa ida ne’e no labarik nain 373 husi distritu Dili, Aileu no Ermera mos tuir kompetisaun ne’e iha Timor-Leste. Enikki mak forma karakteristiku ida husi kadernu hakerek nebe mak popular tebes entre labarik eskola oan Japones sira ida ne’ebe ninia entrada kompostu husi textu no akompanha mos ho dezenhu nebe mak hatudu idea prinsipal husi textu refere.

Ba Embaixador ninia deskursu klik iha ne’e.

 

Dezembru 6, 2011

Embaixada Japaun halo aprezentasaun interativu ida kona ba kultura Japones ba estudantes sira iha Eskola Sekundaria Sao Pedro, nudar sinal husi amizade no agradesemantu hodi responde ba estudantes sira nia espresaun simpatia ho laran tomak no kondolensia ba sira nebe mak afeitadu husi Rai-nakdoko makaas iha Japaun nebe mak hamate ema nain 20,000 resin iha Marsu 11, 2011.

 

 

Archive

 

(c) Embassy of Japan in Timor-Leste  Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130