Asistensia Japaun nian ba Timor Leste

 

 

Governu Japaun oferese aimoruk anti virus hasoru pandemika gripe fahi H1N1

 

 

July 17, 2009

 

Sua Exelénsia Señór Iwao Kitahara, Embaixador Extraordinaria no Plenipotensiariu Japaun nian ba Republika Demokratika Timor-Leste entrega aimoruk anti virus hasoru gripe pandemika ba Sua Exelénsia Dr. Nelson Martins, Ministru Saude, iha seremonia entrega iha Ministeriu Saude loron 17 Jullu 2009.

 

Seremonia ne’e realiza hanesan parte ida husi resultadu visita ofisial Sua Exelénsia Señór Kay Rala Xanana Gusmao nian ba Japaun iha Marsu tinan ida ne’e. Iha enkontru altu nivel entre Priméiru Ministru na’in rua ne’e hodi responde ba Priméiru Ministru Gusmao nia espectativa, Priméiru Ministru Aso hateten katak, Japaun sei konsidera asistensia nebe posivel hanesan provizaun ba aimoruk antivirus hasoru gripe pandemika ba reserva iha Timor-Leste.

 

Iha seremonia refere, Ambassador oferese 40,000 kapsula aimororuk anti virus nian. Governu Japaun sei fo mos ba Governu Timor-Leste ho ekipamentu proteje pesoal nian (PPE), hanesan jaket iha tempu badak.

 

Japaun mos agora serbisu maka’as hela halo kooperasaun ho nasaun sira ASEAN no Sekretariadu ASEAN nian kona ba matadalan atu uja reserva aimoruk anti virus no PPEs ASEAN nian ba Timor-Leste.

 

Ambassador Kitahara hateten iha seremonia ne’e katak nia kontente tebes ho kooperasaun ida ne’e hanesan kontinuasaun husi vizita Priméiru Ministru Gusmao nia ba Japaun no tempu duni ba provisaun ba aimoruk iha momentu gripe pandemika haklekar an iha parte sudeste iha tempu malirin.

 

C:\Users\Daichi\Desktop\Bakhita_引き渡し式Photos\DSC03415.JPG C:\Users\Daichi\Desktop\Bakhita_引き渡し式Photos\DSC03429.JPG

 

(remata)

 

 

(c) Embassy of Japan in Timor-Leste　　Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130