Relasaun Publiku no Kultura

 

 

Visita ba Centru Radio Comunidade (CRC) no Intervista Radio Diretamente

 

 

　Iha 27 Maio, Embaixador Kitahara hetan konvida husi CRC iha Dili, hodi ba visita CRC. Atu resposta pedidu husi membru CRC nian hodi tuir programa no ar, nia hatan perguntas sira durante intervista ho jornalista. Iha programa no ar ida ne, nia hatan perguntas sira kona ba Asistensia Japaun nia ba Timor Leste, nia impresaun ba Timor Leste komesa nia hiit an mai to’o agora, nia esperansa ba Timor Leste, nst.

 

　Fofoun Embaixador Kitahara koalia ba rona nain sira ho lingua Tetum, lingua lokal, no depois koalia kona ba Povo Japaun nia esperansa ba Timor Leste no Povo Timor Leste tomak ho lian Inglesh. Intervista ida ne’e fo sai diretamente iha Dili durante minutu 5 nia laran.

 

　Iha Centru Radio Comunidade ne, ami mos aprende buat barak inklui mos sira nia difikuldades sira durante produsaun programa radio nian mak usa equipamentus nebe limitadu tebes. Iha ema barak tebes mak sente kontenti tebes atu servico iha produsaun programa no emisaun radio ne, inklui mos valuntario sira. Ami hare esperansa nebe mak makaas tebes ba programa radio ida ne husi membrus produsaun programa radio nebe hatudu sira nia kontenti no matan nebe moris.

 

　Sira mos hato’o istoria kona ba perguntas sira nebe mak mosu husi fatin barak hanesan “Bainhira mak komesa fali?” Hau la bele hein,” wainhira sira labele halao sira nia service kuandu equipamentus ruma mak aat.

 

　Embaixada, iha nia kooperasaun husi Centru Radio Comunidade, kria programa radio ba Relasaun Publiku nian “Ponte ba Japaun” hodi fo konhesementu kona ba kultura Japaun nian no asistensia ba rona nain Timor Oan sira no fo sai ona husi Marsu to’o Abril tinan ida ne’e liu husi Centru Radio Comunidade iha distritu 13 iha Timor Leste laran tomak. Iha programa refere Embaixador Kitahara laos deit hatan perguntas sira iha intervista maibe mos performa ho lian nebe mak makaas “Katami-bushi,” kantigu tradisional husi Yaeyama, nebe mak nudar Uta-Sanshin (Kantigu nebe mak performa usa biola tradisional) husi Okinawa. Durante visita ne mos Embaixador hetan opportunidade hodi komunika ho membru Centru Radio Comuinidade husi distritu nebe mak visita Dili iha tempu neba.

 

　Iha CRC, ami hetan rekerementu nebe makaas tebes hodi kontinua produs no fo sai programa “Ponte ba Japaun” nebe mak hetan resposta nebe diak tebes husi rona nain sira. Ami sei fo esforsu nebe mak diak liu hodi suporta CRC, hodi toma konsiderasaun katak CRC iha papel boot hodi lao nafatin iha Timor Leste.

 

　Estabelese iha 2002 ho suporta husi Banku Mundial nia programa ho naran Community Empowerment Project/CEP (Projeitu Haforsa Comunidade). Maske suporta ne hotu ona iha 2004, CRC sei aktivamente kontinua nia aktividades fo sai informasaun to’o agora. Governu Japaun, liu husi UNTAET (United Nations Transitional Administration in East Timor), nebe fornese ona asistensia fundu ba programa Grass-Roots to’o 91,850 USD ba mais ou menus projeitu radio provisaun 8,000. Agora dadaun Radio Comunidade atingi ona penetrasaun nebe mak aas liu to’o area rurais entre media sira seluk iha Timor Leste.

 

 

 

 

Embaixador Kitahara resposta hela intervista iha Estudio Radio

 

 

Hamutuk ho Sr. Luis Soares, Diretor Centru Radio Comunidade.

Iha parede nia oin nebe Embaixador hakerek ninia mensagem ba Hanesan rekerementu husi Sr. Soares.

 

 

Hamutuk ho membru CRC tomak

 

 

 

(c) Embassy of Japan in Timor-Leste　　Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130