Japanese | English

Embaixada Japaun nian iha Timor-Leste
Embassy of Japan in Timor-Leste

　

Relasaun Publiku no Kultura

“Aprezentasaun Kultural husi Grupu Baku Tambor Japones iha Okaziaun Desimu Aniversariu husi Relasaun Diplomatiku entre Timor-Leste no Japaun”

Embaixada Japaun nian iha Timor-Leste hala’o eventus aprezentasaun kultural no interkambiu kultural hodi selebra Desimu Aniversariu husi relasaun diplomatiku entre Timor-Leste no Japaun.

 

 

Embaixada Japaun konvida ona Grupu Baku Tambor Japones ida, OTO Sound husi Prefeitura Ishikawa, ne’ebe mak kompostu husi ema baku tambor nain 7, tokador banjo Japones nain 1, kantador tradisional Japones nain 1 no samurai nain 1.

 

Ba sira nia visita mai Timor-Leste, grupu ne’e espesialmente pratika kantigu Japones ne’ebe mak famosu iha Timor-Leste, kokoro no tomo (klamar sorin) hodi espera futuru naroman Timor-Leste nian no konsolida liu tan lasu entre Timor-Leste no Japaun.

 

 

Iha Maiu 19, grupu baku tambor ne’e visita Fundasaun Ahisaun nu’udar instituisaun ida ne’ebe mak rehabilita husi governu Japones iha 2008 no Arte Moris hodi promove interkambiu kultural liu husi musika, no visualiza kimika liu husi harmoniza musika tradisional no modern Japones hamutuk ho ritmu tradisional Timor nian.

 

Iha Maiu 22, Embaixada co-organiza aprezentasaun kultural hamutuk ho Sekretaria do Estadu Kultur nian no konvida Sekretariu do Estadu Sr. Virgilio Smith. Grupu ne’e hatudu sira nia aprezentasaun ho profesionalidade tomak no visualiza kimika husi kolaborasaun intercultural entre musika tradisional no modern Japones hamutuk ho ritmu tradisional Timor nian hamutuk ho artista sira husi Arte Moris. Durante aprezentasaun husi grupu baku tambor ne’e, mais ou menus partisipantes nain 500 inklui mos estudantes nain 400 mai asisti aprezentasaun dinamikas iha palku leten.

 

 

Iha Maiu 23, grupu baku tambor ne’e visita eskola St. Paulo VI no eskola primaria publiku Farol no hala’o aprezentasaun kultural ba estudantes nain 500 no 300 iha eskola ida-idak. Wainhira tokador sira ne’e toka kantigu Japones ida, kokoro no tomo, estudantes no professores sira kanta hamutuk ho tokador sira. Estudantes no professores sira mos partisipa iha workshop hodi koko toka tambor Japones. Workshop ne’e atrai tebes rona nain sira, liu-liu jovens.