Japanese | English

Embaixada Japaun nian iha Timor-Leste
Embassy of Japan in Timor-Leste

　

Relasaun Publiku no Kultura

“Tinan Amizade no Dame entre Japaun no Timor-Leste”

Eventus Kultural iha Dili, Baucau no Liquica

Embaixada Japaun nian iha Timor-Leste hala’o eventus kultural iha distritu tolu nuda’ar atividade ida husi atividades oi-oin hodi komemora Desimu Aniversariu husi estabelesementu relasaun diplomatiku entre Timor-Leste no Japaun.

Embaixada Japaun organiza eventus kultural oi-oin liu husi tema “Tinan Amizade no Dame entre Japaun no Timor-Leste” hodi hametin liu tan ita nia relasaun bilaterais ne’ebe mak ofisialmente estabelese ona iha 2002 wainhira Timor-Leste restoura hikas ninia independensia.

 

Peritus Japones nain tolu, Sr. Sakai, Mn. Abe no Mn. Okamoto ne’ebe mak haruka ona husi Japan Foundation mai Timor-Leste. Sira visita ona orfanatu Laga iha distritu Baucau iha Fevereiru 6, AGAPE Eskola ba ema tilun diuk sira iha Dili iha Fevereiru 8 tuir mai Eskola Pre-Sekundaria no Jardim Infanti Bazartete iha distritu Liquica iha Fevereiru 9 no 10.

 

Peritus Japones nain toly ne’e demonstra ona jogus tradisional labarik Japones sira nian hanesan Origami (arte hikas surat tahan), Kendama no Taketombo (ventunha helikoptru nian). Aleinde demonstrasaun ho liman, sira mos halo aprezentasaun ida hodi hatudu jogus sira seluk tan.

 

Durante demonstrasaun, sira mos fo oportunidade ba labarik Timor Oan sira hodi halo rasik Kamihikoki (aviaun husi surat tahan), no mos hanorin ba sira kantigu labarik nian, Okina kuri no ki no shita de (Iha ai hun boot nia okos) no Fushigina poketto (Bolsu Milagrosu) liu husi painel interativu hodi fasilita labarik sira nia okupasaun ativu.

 

Entre atividades hirak ne’e hotu iha eventus kultural ida ne’e, Origami no Taketombo mak espesialmente dada labarik Timor Oan sira nia atensaun tamba sira nia simplisidade atu sai professional iha basiku no mos hasa’e espiritu desafiador hodi sai professional liu tan. Labarik sira bele uza fila fali surat tahan uzadu sira no au hodi halo Origami no Taketombo duke soe buat hirak ne’e ba lixu fatin. Atividades sira hanesan ne’e hasa’e labarik sira nia kreatividade no apresiasaun ba uzu sustentavel ba sasan sira ne’ebe mak haree hanesan la importante hodi halo sai sasan ne’ebe mak bele uza no mos hakle’an liu tan komprensaun ba kultura Japones nian.

 

Iha visita mai Timor-Leste ne’e, peritus hirak ne’e mos halo visita kortezia ba Embaixador Hanada no fahe sira nia hanoin kona ba labarik Timor Oan no jogus. Sira hateten katak “Labarik Timor Oan iha sira nia kreatividade rasik ne’ebe ma koi-oin no iha posibilidade atu uza fila fali botir plastiku hodi inventa rasik jogus foun, maibe, iha tempu ne’ebe mak hanesan kaixa susu ben kiik oan mos bele halo buat ruma ne’ebe mak sira lahatene”. Peritus sira ne’e mos liu husi ONG Ba Futuru, fatin ne’ebe mak Japanese Overseas Cooperation Volunteers nain tolu servisu dadauk ba iha atividades valuntariu hanesan rekolha fundus, hanorin Japones no dansa, troka hanoin kona ba edukasaun pre-eskolar ba labarik sira.