Ministerio dos Negocios Estrangeiros Japaun nian

 

Enkontru Auto Nivel entre Primeiru Ministru Noda no S. E. Dr. Jose Ramos-Horta, Presidenti da Republica Democratica de Timor-Leste

Janeiro 19, 2012

 

Iha loron Kinta, Jeneiru 19, Sr. Yoshihiko Noda, Primeiru Ministru Japaun nian, konvoka enkontru auto nivel ida ho S. E. Dr. Jose Ramos-Horta, Presidenti da Republica Democratica de Timor-Leste iha Edifisiu Primeiru Ministru nian. Resumu husi enkontru ne’e mak hanesan tuir mai. Atende husi parte Japones nian mak Sr. Tsuyoshi Saito, Vice Secretariu Gabineti, Sr. Hiroyuki Nagahama, Vice Secretariu Gabineti, no Sr. Joe Nakano, Vice-Ministru Parlamentar ba Asuntu Negocios Entrangeiros, no sira seluk tan. Atende husi parte Timor-Leste nian mak Sr. João Goncalves, Ministru do Economio no Desenvolvimento, no Sr. Alberto Xavier Pereira Carlos, Vice Ministru dos Negocios Estrangeiros, no sira seluk tan.

 

1. Deklarasaun Abertura

 

Iha inicio enkontru, Primeiru Ministru Noda espresa ninia apresiasaun ba suporta husi Timor-Leste iha tempo Rai-Nakdoko Boot iha parte leste Japaun nune’e mos Presidenti Ramos-Horta ninia visita ba area afeitadu sira (Sidade Sendai no Natori, Provinsia Miyagi) nebe mak programa ona iha Jeneiru 20. Primeiru Ministru Noda mos valorize progresu konstante husi harii nasaun nebe’e Timor-Leste estabelese ona wainhira selebra ninia aniversariu independensia ba dala sanulu.

 

Presidenti Ramos-Horta responde ona katak nia hakarak atu espresa ninia simpatia ho laran tomak ba sira nebe mak afeitadu hus Rai-Nakdoko Boot iha parte leste Japaun no aumenta tan povo Japones, nebe’e mak badinas no disiplina diak, hatudu ona sira nia lideransa makaas iha parte siensia hodi hasoru desafius oi-oin depois funu no tamba ida ne’e nia respeita povo Japones no fiar katak sir abele hasoru situasaun defisil ida ne’e atu ho forsa rekupera hikas husi desastre ne’e. Liu tan, parte rua ne’e konkorda atu marka tinan ida ne’e, nebe’e mak nudar desimu aniversariu husi estabelesementu relasaun diplomatiku, nudar “Tinan Dame no Amizade entre Japaun no Timor-Leste” hodi hametin liutan relasaun ne’e ba oin. Presidenti Ramos-Horta espresa ona ninia hakarak atu konvida Primeiru Ministru no mos ofisiais nivel-a’as Japaun nian hodi mai Timor-Leste iha okasiaun ne’e.

 

2. Relasaun Bilateral

 

Primeiru Ministru Noda mentiona katak ida ne’e sei sai tinan importante id aba Timor-Leste tamba eleisaun presidensial no eleisaun nasional parlamentar programadu ona no aumenta tan katak Japaun hakarak atu kontinua asisti Timor-Leste ninia harii nasaun iha area oin-oin liu husi koperasaun ekonomiku, suporta ba desenvolvimentu rekursu humanu, suporta ba eleisaun demokratiku no seluk tan.

 

Presidenti Ramos-Horta responde katak maske Timor-Leste atinji ona dois-digits kresimentu ekonomiku iha tinan hirak liu ba, maibe nasaun ne’e sei iha desafius barak iha desenvolvimentu rekursu humanu no persiza koperasaun husi sosiedade internasional. Presidenti mos hatete katak Japaun mak nudar Timor-Leste nia amigo diak no dala ida tan espresa apresiasaun ba Japaun nia suporta iha relasaun bilateral nune’e mos iha forum multilateral hanesan Nacoens Unidas.

 

 

(c) Embassy of Japan in Timor-Leste　　Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130