Embaixada Japaun nian iha Timor-Leste
Embassy of Japan in Timor-Leste
Ekselensia,
Senyoras i Senyores,
Boatarde.
Hau hakarak hato’o hau nia obrigado wain ba distingi konvidadus ne’ebe marka presensa iha nee ohin loron hodi atende serimonia intrega nee.
Governu Japaun fornese ona fundu kuaze miliaun um pontu nen nulu resin nen ba STAE liu-hosi UNDP, atu implementa projeto nee. Iha loron lima fulan Janeiru, serimonia intrega laptop hamutuk atus ida resin ida, ekipamentu eleisaun nian, ne’ebe hola fatin iha edefisiu STAE nian iha Dili. No ohin loron, kareta sanulo resin lima sei intrega ba STAE hodi hala’o atividade kampanya edukasaun ba votante sira partikularmente iha area rurais. Hau fiar katak liu-hosi aktividade hirak nee, ita bele hadia asesu informasaun publiku ba votante sira no ida ne’e bele enkoraza sira hodi bele partisipa diak liu-tan iha eleisaun nasional tuir mai.
Ida ne’e konsensus rai liur entre parseiru hosi nasional no internasional katak iha eleisaun nasional 2012 sei representa momentu krusial ida ba desenvolvimentu politika institusionais no konsolidasaun demokrasia iha Timor-Leste. Eleisaun nee mos etapa seluk ida tan hodi asegura nasaun la’o ho dame no estabilidade, ne’ebe iha tempu oin mai UNMIT sei retira ne’ebe planu ona iha finde anu 2012 tanba dala ruma hetan susesu iha eleisaun nee.
Ida nee esensial tebes katak eleisaun ida nee sei hala’o ho dame no demokrasia, hodi asegura nasaun Timor-Leste nia integridade internasional no aselera prosesu harii nasaun. Hau sinseramente espera katak ekipamentu no kareta ne’ebe preparadu liu-hosi projeto nee sei kontribui ba projeto nee to’o remata.
Hau mos hakarak iha oportunidade ida nee atu hato’o hau nia apresiasaun ba STAE tomak no membru estaf UNDP sira nia esforsu tomak hodi organiza eleisaun nasional 2012.
Obrigado Barak.
*****
(c) Embassy of Japan in Timor-Leste Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130