Opening Remarks by H.E. Mr. Yoshitaka Hanada on the Occasion of the Reception Celebrating H.M. the Emperor of Japan’s Birthday
December 1, 2011 Hotel Timor, Dili

 

Senhores I Senhoras,

 

Hau hakarak hatoo hau nia agradesimentu ba ita boot sira hotu nebe mai ona husi serbisu oi-oin no husi sidade oi-oin atu selebra loron moris Emperador Akihito nian ba dala Hitunulu resin walu. Hau kontenti tebes atu serbisu nu’udar Embasador Japaun nian ba Timor Leste iha momentu krusial ba Timor Leste nia istória. Timor Leste hetan ona susesu hodi kosolida prosesu demokratizasaun no paz hahú husi independensia iha tinan rihun-rua rua no agora tama fali ba etapa foun nebe konsentra liu ba dezemvolvimentu.

 

Japaun kleur ona koopera ho Timor Leste ba dezemvolvimentu pasífiku no prosperidade. Hau hakarak re-afirma ami nia pozisaun katak Japaun sempre iha Timor Leste ninia sorin no sempre prontu atu ajuda hodi nunee parseiru rai rua nee nian metin liu tan. Iha okaziaun nee, hau hakarak hatoo ami nia agradecimentu ba Timor oan sira, sira nia suporta ba povu Japaun nebe hetan afeta husi rai nakdoko iha fulan Marsu liu ba.


Tinan oin, rihun-rua sanulu resin rua, ita sei selebra aniversáriu ba dala sanulu relasaun bilaterais  nebe mos, ita fiar katak, passu ida tan ba dezemvolvimentu ita nia relasaun. Hau hakarak hatoo hau nia esperansa atu iha aniversariu dala sanulu ba relasaun diplomátiku tinan oin bele sai jornada foun ba relasaun nebe metin entre Povu rai rua nee nian.

(c) Embassy of Japan in Timor-Leste　　Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130