Asistensia Japaun nian ba Timor Leste

 

 

Governu Japaun Selebra Kompletamentu Konstrusaun Sistema Irigasaun iha Suku Debos, Suai, Distrito Covalima

 

NGO Loro-Matan koopera hamutuk ho Embaxada Japaun, inagura sistema irigasaun iha Debos, Suai, Distritu Covalima iha loron 30 de Novembro de 2011. Sra. Hiroko Tsuchiya, representate husi Embaxada Japaun ba Timor-Leste, Diretor NGO Loro-Matan ho membrus sira no mos komunidade lokal partisipa iha seremonia inagurasaun ne’e atu selebra kompletamentu projetu ba Konstrusaun Sistema Irigasaun iha Debos, Suai, Distrito Covalima.

 

Governu Japaun oferese US$92,410 (Rihun Sia-nulu Resin Rua Atus-hat Sanulu Dolares Amerikanu) ba projetu ida ne’e liu husi Asistensia Fundu Kiik ba Projetu Seguransa Humana (GGP)

 

NGO Loro-Matan hanesan resepiente ba fundus Japoneja ne’e konstrui ona sistema irigasaun iha Suku Debos, Sub-distritu Suai, Distritu Covalima. Iha Suku Debos, komunidades iha sira nia natar rasik nebe luan tebes; maibe husi tempu ba tempu, sira hasoru problema relasiona ho be’e ba sira nia natar tanba falta fasilidades sistema irigasaun.

Hein katak projetu ida ne’e bele fornese be’e sufisiente ba agrikultores sira nia natar iha Suku Debos nune’e bele hasae produsaun hare no haforsa liutan seguransa alimentar iha Suku refere.

 

Durante seremonia, representante husi Embaxada Japaun iha Timor-Leste, Sra. Tsuchiya, ekspresa ninia apresiasaun ba membrus staff NGO Loro-Matan no mos komunidade local hotu ba sira nia esforsu tomak ba projetu ida ne’e. Sra. Tsuchiya mos mensiona katak agrikultura no dezemvolvimentu rural hanesan area importante ida ba asistensia Japoneja iha Timor-Leste. Nia hateten: “hau hein katak projetu ne’e bele kontinua hametin amizade entre povu Japaun no povu Timor-Leste”.

 

Monumentu Memorial ba program   irigasaun
Director Agricultura iha Distritu Covalima Sr. Jacinto Gudinho
Embassy of Japan Sra. Hiroko Tsuchiya
Director NGO Loro Matan Sr. Jacinto Tab

Adjunto comandante PNTL iha Distritu Covalima Sr. Inacio Dos Santos		 Irigasaun Foun

 

(c) Embassy of Japan in Timor-Leste　　Avenida de Portugal, Pantai Kelapa, Dili, Timor-Leste (P.O. Box 175) Tel: +670-3323131 Fax: +670-3323130